Khit Thit သတင်းဌာန၏ ဧပြီ ၁၃ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၁၃ ရက် ညနေပိုင်းတင်ဆက်ပေးမယ့်သတင်းတွေကတော့ - ရှမ်းပြည်နယ်၊ လားရှိုးမြို့မှာရှိတဲ့ ရန်တိုင်းအောင် ဘုရားဝင်းအနီးက မဏ္ဍပ်မှာ ဒီကနေ့ ဧပြီလ ၁၃ ရက်နေ့ သင်္ကြန်အကြိုနေ့ မနက်ပိုင်းက ဗုံး ၃ လုံး ပေါက်ကွဲပြီး လူ ၆ ဦး သေသွားသလို ၊ ၈ ဦး ဒဏ်ရာ ရသွားတယ်လို့ အကြမ်းဖက် စစ်ကောင်စီလက်အောက်ခံ လားရှိုးရဲသတင်းရင်းမြစ်ဆီကနေ သိရပါတယ်။ - ရန်ကုန်တိုင်း၊ သာကေတမြို့နယ် ၊ ရုပ်ရှင်ရုံ အနီးက ယာဉ်ထိန်းရဲ ကင်းတဲမှာ ဒီကနေ့ ဧပြီလ ၁၃ ရက်နေ့ဖြစ်တဲ့ သင်္ကြန်အကြိုနေ့ မနက်ပိုင်း ၁၀ နာရီဝန်းကျင်လောက်မှာ ဗုံးပေါက်ကွဲမှု ဖြစ်ပွားခဲ့တယ် လို့ ဒေသခံ ပြည်သူတွေက ပြောပါတယ်။ - စစ်ကိုင်းတိုင်း ၊ ရွှေဘိုမြို့နယ်မှာ တော်လှန်ရေးအင်အားစုတွေကို စိန်ခေါ်ထားတဲ့ အကြဖ်းဖက် စစ်ကောင်စီ လက်အောက်ခံ အုပ်ချုပ်ရေးမှူး ဦးဆွေ ဆိုသူကို ဒီကနေ့ သင်္ကြန်အကြိုနေ့ မနက်ပိုင်းက ပြည်သူ့ကာ ကွယ်ရေးတပ်ဖွဲ့တွေကနေ ပစ်ခတ်ရှင်းလင်းရာမှာ ပွဲချင်းပြီး သေသွားပြီး ၊ အဲ့ဒီအုပ်ကြီးဆီကနေ လက်ပစ်ဗုံး ၁ လုံး သိမ်းဆည်းရမိခဲ့တဲ့ သတင်းအပါအဝင် နောက်ဆုံးရသတင်းတွေကိုတင်ဆက်ပေးပါမယ်။
