Khit Thit သတင်းဌာန၏ ဧပြီ ၁၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၁၂ ရက် ညနေပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း၊ ကန့်ဘလူမြို့နယ်၊ ပဇီကြီးကျေးရွာမှာ ပြည်သူ ၁၀၀ ကျော် သေဆုံးခဲ့တဲ့ လေကြောင်း တိုက်ခိုက်မှုမှာ အကြမ်းဖက် စစ်ကောင်စီလေတပ်က ပိုင်းလော့ ဗိုလ်ကြီးသန်းတိုးအောင် ဆိုသူနဲ့ ဗိုလ်ကြီး ဘုန်းသက်နိုင်တို့က Yak-130 လေယာဉ်နဲ့ ပစ်ခတ်တိုက်ခိုက်ခဲ့တာဖြစ်တယ်လို့ သိရပါတယ်။ - ချင်းပြည်နယ်၊ ဟားခါးမြို့နယ်မှာရှိတဲ့ ကြံ့ဖွတ်ပါတီရုံး နဲ့ ပိုင်ဆိုင်မှု အားလုံးကို ပြည်သူပိုင်အဖြစ် သိမ်းဆည်းတယ်လို့ Chinland Defense Force - Hakha Council ကနေ ဒီကနေ့ ဧပြီလ ၁၂ ရက်နေ့ ရက်စွဲနဲ့ တရားဝင် ထုတ်ပြန်လိုက်ပါတယ်။ - မန္တလေးတိုင်းက သတင်းအနေနဲ့..မန္တလေးတိုင်း၊ တောင်သာမြို့နယ် ၊ တပင်ကန်-ကျေးရွာအုပ်ချုပ် ရေးမှူး နဲ့ အပေါင်းအပါ ၂ ဦး အပါအဝင် စုစုပေါင်း ၃ ဦး လိုက်ပါလာတဲ့ ကားကို ပြည်သူ့ကာကွယ် ရေးတပ်ဖွဲ့ဖတွေက ကြားဖြတ်တိုက်ခိုက်ရာမှာ အုပ်ချုပ်ရေးမှုးအပါအဝင် ကားပေါ်ပါလာတဲ့ ၃ ဦးလုံး သေသွားသလို ၊ လက်နက် ၃ လက်ပါ သိမ်းဆည်းရရှိခဲ့တဲ့ သတင်းအပါအဝင် နောက်ဆုံးရသတင်းတွေ ကိုတင်ဆက်ပေးပါမယ်။
