Khit Thit သတင်းဌာန၏ ဧပြီ ၁၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၁၁ ရက် ညနေပိုင်းတင်ဆက်ပေးမယ့်သတင်းတွေကတော့ - ဒီကနေ့ ဧပြီလ ၁၁ ရက်နေ့ မနက်ပိုင်းက စစ်ကိုင်းတိုင်း၊ ကန့်ဘလူမြို့နယ်၊ ပဇီကြီး- ကျေးရွာ ရုံးဖွင့်ပွဲ ကို ကျောင်းသား ကျောင်း သူ ကလေးငယ်တွေနဲ့ အရပ်သား ပြည်သူတွေ တက်ရောက်နေတဲ့ အချိန် အကြမ်းဖက် စစ်ကောင်စီတပ်က လေကြောင်းကနေ ဂျက်ဖိုက်တာ နဲ့ တစ်ကြိမ်၊ Mi 35 ရဟတ် ယာဥ်နဲ့ ၄ ကြိမ် ဗုံးကျဲ ပစ်ခတ် တိုက်ခိုက်မှုကြောင့် ကလေးငယ်တွေနဲ့ အမျိုးသမီးတွေအပါအဝင် သေဆုံးသူ အရေအတွက်ဟာ အယောက် ၁၀၀ ကျော်သွားပြီ ဖြစ်တယ်လို့ မြေပြင်သတင်းရင်းမြစ်က အတည်ပြု ပြောဆိုထားပါတယ်။ - မကွေးတိုင်း၊ကျောက်ထုနယ်မှာ အကြမ်းဖက် စစ်ကောင်စီတပ် စစ်ကြောင်းနဲ့ ဒေသကာကွယ် ရေး တပ်ဖွဲ့တွေကြား ဧပြီလ ပထမပတ်အတွင်း တိုက်ပွဲတွေ ဖြစ်ပွားခဲ့ရာမှာ အကြမ်း ဖက်စစ်ကောင်စီ ဘက်က ၁၅ ဦးသေသွားတယ်လို့ ကျောက်ထု PDF က ပြောပါတယ်။ စစ်ကိုင်းတိုင်း၊ ကောလင်းမြို့ ၊ ကသစ်ကုန်းရွာမှာ ညအိပ်ပြီး ကောလင်းဘက်ကို ကူးလာတဲ့ အကြမ်းဖက် စစ်ကောင်စီတပ် စစ်ကြောင်းကို ပြည်သူ့ကာကွယ်ရေးတပ်ဖွဲ့တွေက မိုင်းဆွဲတိုက်ခိုက်ရာမှာ စစ်ကောင်စီ ဘက်က ၃ ဦးသေပြီး ၂ ဦး ပြင်းထန် ဒဏ်ရာ ရသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
