Khit Thit သတင်းဌာန၏ ဧပြီ ၁၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၁၀ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - အကြမ်းဖက် စစ်ကောင်စီရဲ့ အရှေ့တောင်တိုင်းစစ်ဌာနချုပ်တိုင်းမှူး ဗိုလ်ချုပ်မြတ်သက်ဦး ဆိုသူကို တာဝန် ပေါ့လျော့မှု ၊ အထက်က ပေးအပ်တဲ့ အမိန့် နဲ့ တာဝန်တွေကို မလိုက်နာ မှုကြောင့်ဆိုပြီး အကြမ်းဖက် မင်းအောင်လှိုင်က ပြန်လည်ဖမ်းဆီး အရေးယူထားတယ်လို့ တပ်တွင်း သတင်း ရင်းမြစ်ဆီကနေ သိရပါတယ်။ - စစ်အာဏာရှင် တော်လှန်ရေးရဲဘော် ၃ ဦးကို မဲဆောက်မှာ ထိုင်း လဝက က ဖမ်းဆီး ပြီး စစ်ကောင်စီ လက်အောက်ခံ BGF ဆီကို အပ်နှံမှုဟာ ဥပဒေချိုးဖောက်မှုဖြစ်တဲ့အတွက် ဒါကို ဖြေရှင်းချက်ပေးဖို့ ထိုင်းနိုင်ငံရေး ပါတီတစ်ခု ကနေ ဧပြီလ ၈ ရက်နေ့မှာ တရားဝင် ကြေညာချက်တောင်းဆို လိုက်ပါတယ်။ - ဗိုလ်မှူးချုပ် နယ်ဒါးမြ ဦးဆောင်တဲ့ KAWTHOOLEI ARMY (ကရင့်ပြည်သူ့ တပ်မတော်) မှာ စစ်ကြောင်းတစ်ခု အဖြစ် ပူးပေါင်းခဲ့တဲ့ Venom စစ် ကြောင်းဟာ ဗိုလ်ဒါဘော ဦးဆောင်တဲ့ ကော်ဘရာစစ်ကြောင်း နဲ့အတူ စစ် ကြောင်း တစ်ခုလုံးပူးပေါင်းလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
