Khit Thit သတင်းဌာန၏ ဧပြီ ၇ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၇ ရက် ညနေပိုင်းတင်ဆက်ပေးမယ့်သတင်းတွေကတော့ - ကရင်ပြည်နယ်၊ မြ၀တီမြို့နယ်၊ ရွှေက္ကိုလ်တိုက်ပွဲတွေမှာ အကြမ်းဖက် စစ်တပ်လက် အောက်ခံ BGF ဗိုလ်မှူးကြီးစောချစ်သူရဲ့ လက်ရုံးဖြစ်တဲ့ ၁၀၁၇ တပ်ရင်းမှူး ဗိုလ်မှူး ဒီးဒီ ဆိုသူပါ သေသွားသလို , BGF တချို့ လည်း လက်နက်ချ အညံ့ခံခဲ့တယ်လို့ ရှေ့တန်း သတင်းရင်းမြစ်တွေဆီကနေ သိရပါတယ်။ - မန္တလေးတိုင်း၊ ပုသိမ်ကြီးမြို့နယ်၊ အောင်ချမ်းသာ ကျေးရွာမှာရှိတဲ့ လျှပ်စစ်ဓာတ် အားခွဲရုံ EPC ရုံးအစောင့် ရဲဒုတပ်ကြပ် အောင်နွယ်စိုး ဆိုသူ ပစ်ခတ်ခံရပြီး သေသွားသလို သူကိုင်ဆောင်တဲ့ သေနတ်ပါ ပစ်ခတ်သူတွေက ယူဆောင်သွားတယ်လို့ ဒေသခံတွေဆီကနေ သိရပါတယ်။ -ရန်ကုန်တိုင်း၊ မင်္ဂလာဒုံမြို့နယ်မှာရှိတဲ့ အကြမ်းဖက် စစ်ကောင်စီရဲ့ လေတပ်ကို ဧပြီလ ၆ ရက်နေ့ ညပိုင်းက ရှော့တိုက်ဒုံး ၇ လုံးနဲ့ ပစ်ခတ် တိုက်ခိုက်မှုကို မြို့ပြ တော်လှန်ရေးအဖွဲ့ ၃ ခုကနေ ပူးပေါင်း လုပ်ဆောင်ခဲ့တာဖြစ်သလို ၊လာမယ့် သင်္ကြန်ကာလ တပ်တွင်း သင်္ကြန်ပွဲတွေကိုလည်း ပစ်ခတ်ဖို့အတွက် ၁၀၇ မမ ရှော့တိုက်ဒုံးတွေ အလုံ အလောက် ပြင်ဆင်ထားတဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
