Khit Thit သတင်းဌာန၏ ဧပြီ ၆ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၆ ရက် ညနေပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း ၊ အင်းတော်မြို့မှာ CDM ဆရာမအပါ အဝင် အမျိုးသမီးသုံးဦးကို ဧပြီလ ၃ရက်နေ့က မတရား အမှုဆင်ပြီးတော့ အကြမ်းဖက် စစ်ကောင်စီရဲ့ အင်းတော် စစ်ခုံရုံးကနေ ပုဒ်မ-၅၀ (ည) ၊၅၂(က) နဲ့ အမှုဖွင့် အရေးယူပြီးတဲ့နောက် ထောင်ဒဏ် တစ်သက် တစ်ကျွန်း ချမှတ်လိုက်တယ်လို့ Indaw Revolution က ပြောပါတယ်။ - မန္တလေးတိုင်း၊ နွားထိုးကြီးမြို့နယ်၊ မင်းရွာစာသင်ကျောင်းမှာ တပ်စွဲထားတဲ့ အကြမ်းဖက်စစ်ကောင်စီ တပ်သား နဲ့ ရဲ တွေကို ပြည်သူ့ကာကွယ်ရေးတပ်ဖွဲ့တွေကနေ ဝင်ရောက်တိုက်ခိုက်ရာမှာ စစ်ကေင်စီတပ် ဖွဲ့ဝင် ၅ ဦးသေသွားတယ်လို့ မြင်းခြံခရိုင်တပ်ရင်း ၄ ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - တနင်္သာရီတိုင်း၊ လောင်းလုံးမြို့နယ်၊ ကရင်ကြီးကျေးရွာက ပျူစောထီး စခန်းကို PDF တပ်ဖွဲ့တွေက နေ တိုက်ခိုက် သိမ်းပိုက်နိုင်ခဲ့ပြီး ၊ တိုက်ခိုက်မှုအတွင်း အကြမ်းဖက် စစ်ကောင်စီတပ်သား အပါအဝင် ပျူစောထီး ၁၆ ဦးသေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
