ခေတ်ပျက်နေချိန် သောက်သောက်လဲ ငွေဝင်နေတဲ့ ရန်ကုန်က ဂျပန်ဘုရား ---------------- ဂျပန်ဘုရားနှင့်အတူ နာမည်ကြီးလာသည့် အောင်ဇမ္ဗူတောရကျောင်း ဆရာတော်၏ သက်တော် ၆၀ ပြည့် မွေးနေ့အကြိုလှူဒါန်းပွဲကို အင်လျားကန်စောင်းရှိ Lotte ဟိုတယ်၌ တခမ်းတနားပြုလုပ်ခဲ့ပြီး ပြင်ဦးလွင်မြို့တွင် ပြုလုပ်သော စာကြည့်တိုက်အမည်ခံ စံအိမ်တော်ဖွင့်ပွဲသို့ ဆရာတော်က Rolls-Royce ကားကြီး စီးကာ ကြွရောက်လာသည်။ Myanmar Now က ဂျပန်ဘုရားသို့ သွားရောက်လေ့လာခဲ့ရာ ဘာသာရေးအမည်ခံထားသည့် နေရာဖြစ်သော်လည်း ဘုရားဖူးလာသူများထံမှ နည်းမျိုးစုံဖြင့် ငွေရှာနေသည့် နေရာတစ်ခုဖြစ်နေသည်ကို တွေ့မြင်ခဲ့ရသည်။ “ဒီဆင်းတုတော်တွေကို လှူထားတဲ့အလှူက ကမ္ဘာတည်သရွေ့ တည်ရှိသွားမယ့် အလှူဖြစ်တယ်” ဟု လက်မအရွယ် ဆင်းတုငယ်လေးများကို တစ်ဆူလျှင် ကျပ် ၅၀၀၀ ဖြင့် လှူဒါန်းရန် ယောဂီဝတ်အမျိုးသားက အော်ဟစ်အလှူခံနေသည်။ “အိမ်ထောင်ရေးဘုရား”၊ “ကျန်းမာရေးဘုရား”၊ “ပညာရေးဘုရား”၊ “စီးပွားရေးဘုရား” စသည်ဖြင့် ဘွဲ့အမည်ပေးထားသည့် ဘုရားများလည်း ရှိလေသည်။ (လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/registe... နှိပ်၍ လှူဒါန်းနိုင်ပါသည်)
