စစ်သားနှင့်ရဲများ CDM ဝင်ကြရန် NUG သတိပေး /////////////////////// -အကြမ်းဖက်မင်းအောင်လှိုင် လက်အောက်မှာ တာဝန်ထမ်းဆောင်နေတဲ့ ရဲနဲ့ စစ်သားတွေအနေနဲ့ ပြည်သူ့ရင်ခွင် ခိုလှုံဖို့ နောက်ဆုံအချိန်ရောက်နေပြီလို့ အမျိုးသားညီညွတ်ရေးအစိုးရ ဝန်ကြီးချုပ်မန်းဝင်းခိုင်သန်းက ပြောဆိုလိုက် ပါတယ်။ -အခုနွေဦးတော်လှန်ရေးမှာ စစ်ခေါင်းဆောင်တွေကို ကာကွယ်ရင်းအသက်ပေးသွားတဲ့ တပ်သား သုံးသောင်းကျော် သေဆုံးခဲ့ရပြီးဖြစ်တယ်လို့ ဝန်ကြီးချုပ်မန်းဝင်းခိုင်သန်းကပြောပါတယ်။ -ဒါကြောင့် မင်းအောင်လှိုင်ကို ကာကွယ်ရင်း အသေခံမလား"၊ "နိုင်ငံတကာ ခုံရုံးတက်မလား" ၊ "ပြည်သူ့ရင်ခွင် လိပ်ပြာ လုံစွာ ခိုလှုံမလား" ဆိုတာကို ဆုံးဖြတ်ရမယ့် အချိန်ရောက်ပြီလို ဝန်ကြီးချုပ်မန်းဝင်းခိုင်သန်း သတိပေးလိုက်ပါတယ်။ - စစ်အာဏာရှင် ချေမှုန်းရေးနှင့် ဖက်ဒရယ်ဒီမိုကရေစီ ပြည်ထောင်စုဆီ ချီတက်လှမ်းနေပြီဖြစ်လို့ စစ်သားတွေ ရဲတွေအနေနဲ့ ပြည်သူ့ရင်ခွင် ခိုလှုံဖို့ နောက်ဆုံး အချိန် ရောက်ရှိနေပြီဖြစ်တယ် ဝန်ကြီးချုပ်က ဆိုပါတယ်။ နွေဦးတော်လှန်ရေးဟာ နှစ်နှစ်တာကလအတွင်း အရှိန်အဟုန် ကောင်းကောင်းနဲ့ ချီတက်နေပြီး ပြိုလဲဖို့ မရှိတော့ဘူးလို့ပြောပါတယ်။ မင်းအောင်လှိုင်နှင့်စစ်ခေါင်းဆောင်တွေလက်အောက်က အကြမ်းဖက်စစ်တပ်ကတော့ ပြည်သူလူထုကို နှိပ်စက် သတ်ဖြတ် လုယက်ဖျက်ဆီးတဲ့ အစွန်းရောက်အကြမ်းဖက် အဖွဲ့အစည်းအဖြစ်ကို အသွင်ပြောင်းသွားခဲ့ပြီဖြစ်ပါတယ်။ ပြင်ပမှာ အမှန်တကယ် ဖြစ်ပျက်နေတဲ့ အဖြစ်အပျက်တွေကို မသိရအောင် သတင်းအမှောင်ချထားပြီး အတုအယောင်အလိမ်အညာတွေနဲ့ စစ်ခေါင်းဆောင်တို့ရဲ့ ဝါဒမှိုင်းတိုက်နေတာဖြစ်ပါတယ်။ -ဒီလို ဝါဒမှိုင်းတိုက် Brain Wash လုပ်တာ ကို အသိဉာဏ်ပညာနဲ့ ကျော်လွှားနိုင်တယ်ဆိုတာ ပြည်သူနဲ့ ဓမ္မဘက်ရပ် တည်ခဲ့ကြတဲ့ သောင်းနဲ့ချီတဲ့ တပ်မတော်သားတွေနဲ့ ရဲတပ်ဖွဲ့ဝင်တွေက ဖော်ပြနေပါတယ်။ -အကြမ်းဖက်စစ်တပ်က တရားမဝင် အာဏာရယူချိန်မှ အခုအချိန်အထိ ပြည်သူ့ ရင်ခွင် ခိုလှုံ CDM ဝင်ရောက်လာသူ တပ်မတာ်သားများနှင့် ရဲတပ်ဖွဲ့ဝင် ၁၄၀၀၀ ဝန်းကျင်ရှိပါတယ်။ - လုံခြုံရေးအရ အခြေအနေအရ မချိတ်ဆက်မိသေးဘဲ စစ်တပ်နှင့် ရဲတပ်ဖွဲ့ကို စွန့်ခွာလာသူ အများအပြားပြီး NUG အနေနဲ့ ပြည်သူ့ရင်ခွင်ခိုလှုံလာတဲ့ တပ်မတော်သား ရဲတပ်သားများ၊ မိသားစုဝင်များ စုစုပေါင်း ၆၀၀၀ နီးပါးကို ကူညီထားပါတယ်။ -လက်နက်ဥပဒေထုတ်ပြည်သူနဲ့ ပြည်သူ ရန်တိုက်ပေးတာတွေ သက်ကြီးရွယ်အို စစ်မှုထမ်းဟောင်းတွေကိုတောင် ပြန်ထုတ်သုံးရနေရတာတွေဟာ စစ်တပ်က အဘက်ဘက်က ယိုယွင်းနေတာကို ပြသနေတာလည်းဖြစ်ပါတယ်။ -ဒါကြောင့် အမြင်မှန်ရပြီး စစ်အာဏာရှင်တွေရဲ့ စတေးခံ ဘ၀ကနေ ရုန်းထွက်လာကြမယ့် တပ်မတော်သား ရဲတပ်သားတွေ ကို အခုအချိန်အထိ လက်ကမ်းကြိုဆိုနေဆဲပါလို့ ဝန်ကြီးချုပ်က ပြောပါတယ်။
