Khit Thit သတင်းဌာန၏ မတ် ၃၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၃၁ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - စစ်ကိုင်းတိုင်း၊ ကနီမြို့ပေါ်မှာ ကင်းစောင့်ဖို့ ထွက်လာတဲ့ အကြမ်းဖက် စစ်ကောင်စီတပ်သားတွေကို ပြည်သူ့ကာကွယ်ရေးတပ်ဖွဲ့တွေက တိုက်ခိုက်ရာမှာ စစ်ကောင်စီဘက်က ၂ ဦးသေသွားတယ်လို့ ကျောက်လုံးကြီး KLG တပ်မဟာရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - အကြမ်းဖက် စစ်ခေါင်းဆောင် မင်းအောလှိုင် ဦးဆောင်တဲ့ စစ်ကောင်စီက မြန်မာနိုင်ငံရဲ့ အာဏာကို မတရားလုယူ သိမ်းပိုက်ပြီးတဲ့နောက် ကမ္ဘာကျော် လူသုံးကုန်ပစ္စည်းရောင်းချရေး ဗြိတိန် ကုမ္ပဏီ Mark & Spencer နဲ့ ဂျပန် ဖက်ရှင် အဝတ်အထည်ကုမ္ပဏီ Uniqlo တို့ဟာ မြန်မာနိုင်ငံကနေ တစ်ပြိုင်နက် တည်းထွက်ခွာသွားကြပြန်ပြီလို့ သိရပါတယ်။ - ကချင်ပြည်နယ်၊ ဖားကန့်မြို့နယ်၊ ကာမိုင်းမြို့မှာ ဆန်နဲ့ဆီ သယ်လာတဲ့ လူငယ် ကိုမိုက်မိုက် ဆိုသူကို PDF လို့စွပ်စွဲပြီး အကြမ်းဖက် စစ်ကောင်စီတပ်နဲ့ စစ်တပ် လက်အောက်ခံ ရှမ်းနီပြည်သူ့စစ်အဖွဲ့က ပစ်သတ်လိုက်တဲ့ သတင်းအပါအဝင် နောက်ဆုံးရသတင်းတွေကိုတင်ဆက်ပေးပါမယ်။
