Khit Thit သတင်းဌာန၏ မတ် ၃၁ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၃၁ ရက် မနက်ပိုင်းတင်ဆက်ပေးမယ့်သတင်းတွေကတော့ -ချင်းပြည်နယ်၊ ထန်တလန်မြို့နယ်၊ ခွာဖိုရွာကို စစ်ကောင်စီက တိုက်လေယာဉ်နဲ့ဗုံးကျဲချလို့သေဆုံးသွားရတဲ့ ပြည်သူ ၈ ဦးကို မနေ့ ညနေ ပိုင်းက နေ့ချင်းပြီး သဂြိုလ်တယ်လို့ ချင်းပြည်နယ် ဒေသတင်းရင်းမြစ်တွေဆီကသိရပါတယ်။ -ရှမ်းပြည်နယ်တောင်ပိုင်း၊ ပင်လောင်းမြို့နယ်နှင့် ဖယ်ခုံမြို့နယ်အစပ် တစ်လတာ တိုက်ပွဲအတွင်း အကြမ်းဖက်စစ်သား ၂၀၀ ကျော်သေဆုံးပြီး ၁၀၀ ကျော်ဒဏ်ရာရရှိခဲ့တယ်လို့ မိုးဗြဲပြည်သူ့ကာကွယ်ရေးတပ်ဖွဲ့ဆီကသိရပါတယ်။ -အမျိုးသားညီညွတ်ရေးအစိုးရ(NUG) ၊ စစ်ကိုင်းခရိုင်တပ်ရင်း ၁ မှ ဒုတပ်ရင်းမှူး ကိုဆင်းရိုင်းခေါ် ကိုဝေဖြိုးလျှံကို အကြမ်းဖက်စစ်တပ်က ခေါင်းဖြတ်သတ်ကာ ဦးခေါင်းကို ယူ ဆောင်သွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
