ကျုံဒိုးမြို့၊ စစ်ကောင်စီအခြေစိုက် စခန်းတွေ ဘယ်လိုတိုက်ခိုက်ခံရလဲ ကရင်ပြည်နယ်၊ ကော့ကရိတ်မြို့နယ် ကျုံဒိုးမြို့အခြေစိုက် ခြေမြန်တပ်ရင်း ၅၄၅၊ ၅၄၆ ရဲစခန်းနှင့် စစ်ကောင်စီတပ်စွဲထားသည့်နေရာအချို့ကို မတ်လ ၂၅ရက် နံနက်ပိုင်းတွင် ဝင်ရောက်တိုက်ခိုက်ခဲ့သည့် ရုပ်သံဖိုင်ကို တော်လှန်ရေးတပ်ဖွဲ့က ယနေ့ ထုတ်ပြန်လိုက်သည်။ ရုပ်သံဖိုင်ထဲတွင် တော်လှန်ရေးတပ်ဖွဲ့ဝင်များက စစ်ကောင်စီအခြေစိုက် ခြေမြန်တပ်ရင်းရှေ့အထိ နေရာယူထားသည်ကို တွေ့ရသည်။ ထိုတိုက်ပွဲတွင် စစ်ကောင်စီတပ်ဖွဲ့ဝင် ၁၅ဦးခန့် သေဆုံးပြီး တော်လှန်ရေးတပ်ဖွဲ့ဝင် ၃ဦး ကျဆုံးခဲ့သည်ဟု ဆိုသည်။ ဗျူဟာမှူး ဗိုလ်အယ်စေးဝါး ဦးဆောင်သော Lion Battalion Commando - ဗျူဟာစစ်ကြောင်း အပါအဝင် ကရင့်တော်လှန်ရေးတပ်ဖွဲ့များနှင့် PDF များက ထိုတိုက်ခိုက်မှုကို ပူးပေါင်းလုပ်ဆောင်ခဲ့ခြင်း ဖြစ်သည်ဟု Lion Battalion Commando စစ်ကြောင်းက ထုတ်ပြန်ထားသည်။ (လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်)
