Khit Thit သတင်းဌာန၏ မတ် ၂၉ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၉ ရက် မနက်ပိုင်းတင်ဆက်ပေးမယ့်သတင်းတွေကတော့ -တနင်္သာရီတိုင်း၊ ရေဖြူမြို့နယ်၊ ရေး-ထားဝယ်ကားလမ်းမပေါ် မိုင်တိုင်အမှတ် ၄၁ အနီးမှာ အကြမ်း ဖက် စစ်ကောင်စီယာဉ်တန်းကို ကြားဖြတ်တိုက်ခိုက်ခဲ့ရာ အကြမ်းဖက်စစ်တပ်က ရမ်းသမ်းပစ်ခတ်မှုကြောင့် နေအိမ်အတွင်း ဆော့နေတဲ့ အသက် ၆နှစ်အရွယ်ကလေးငယ်တစ်ဦး ဒဏ်ရာရရှိခဲ့တယ်လို့ ကလိမ်အောင်မြို့ အခြေစိုက်မဟာမိတ်ပူးပေါင်းကာကွယ်ရေးအဖွဲ့ဆီကသိရပါတယ်။ -ထိုင်း-မြန်မာနယ်စပ်၊ ကရင်နီပြည်နယ်က BP 11 အကြမ်းဖက်စစ်တပ်ခြေကုပ်စခန်းကို ဝင်ရောက် တိုက်ခိုက် သိမ်းပိုက်ရာ အကြမ်းဖက်စစ်သား ၃ ဦး သေဆုံးပြီး ၆၀ မမ လက်နက်ကြီးတစ်လက်ပါအဝင် ၆ လက်သိမ်း ဆည်းရရှိခဲ့တယ်လို့ ကရင်နီစစ်ဖက်ဆိုင်ရာ ဗဟိုသတင်းထုတ်ပြန်ရေးအဖွဲ့ တာဝန်ရှိသူတစ်ဦးက ပြောပါတယ်။ - NLD (အမျိုးသားဒီမိုကရေစီအဖွဲ့ချုပ်ပါတီ) နဲ့ SNLD (ရှမ်းတိုင်းရင်းသားများဒီမိုကရေစီပါတီ) အပါအဝင် ပါတီ ၄၀ ကို ဖျက်သိမ်းလိုက်တယ်လို့ အကြမ်းဖက်စစ်ကောင်စီလက်အောက်ခံ ပြည်ထောင်စုရွေးကောက်ပွဲ ကော်မရှင် က မတ်လ ၂၈ ရက်နေ့က ထုတ်ပြန်ကြေညာလိုက်တဲ့ သတင်းအပါအဝင် နောက်ဆုံးရသတင်း တွေကိုတင်ဆက်ပေးပါမယ်။
