Khit Thit သတင်းဌာန၏ မတ် ၂၈ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၈ ရက် မနက်ပိုင်းတင်ဆက်ပေးမယ့်သတင်းတွေကတော့ ချင်းပြည်နယ်၊ ဖလမ်းမြို့နယ်မှာ စစ်တပ်စစ်ကြောင်း ကို ပဒေသာမိုင်းနဲ့ မိုင်းဆွဲတိုက်ခိုက်ခဲ့ရာ အများအပြား သေဆုံးနိုင်တယ်လို့ CNA သတင်းရင်းမြစ်က ပြောပါတယ်။ -အမျိုးသား ညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ် ၂ စစ်ဒေသ၊ တောင်ပိုင် စစ်ဒေသမှာ ပြည်သူ့ ကာကွယ်ရေးတပ်မတော် တော်ဝင်ဒေါင်းစစ်ကြောင်းရဲ့ စစ်ရေးလေ့ကျင့်မှု ပြုလုပ်ခဲ့တယ်လို့ ထုတ်ပြန်ထားပါတယ်။ -ကရင်ပြည်နယ်၊ မြဝတီကုန်သွယ်ရေးဇုန် နဲ့ သင်္ကန်းညီနောင်ရဲစခန်းကို တိုက်ခိုက်မှုမှာ ရဲ ၁၁ ဦး သေဆုံးပြီး ဒုရဲမှူး အပါအဝင် ရဲနဲ့ မိသားစုဝင် ၈ ဦး ဖမ်းဆီးရမိခဲ့တယ်လို့ ကော်ဘရာစစ်ကြောင်းဆီက သိရပါတယ်။ - မွန်ပြည်နယ်၊ ကျိုက်ထိုမြို့နယ်ရှိ မရမ်းချောင် စစ်တပ်စစ်ဆေးရေးဂိတ်ကို ဒရုန်းနဲ့ ဗုံးကျဲချခဲ့ရာ ဒုရဲမှူး အပါအဝင် ရဲ ၄ ဦးဒဏ်ရာရရှိတဲ့ သတင်းအပါအဝင် နောက်ဆုံးရသတင်းတွေကိုတင်ဆက်ပေးပါမယ်။
