Khit Thit သတင်းဌာန၏ မတ် ၂၇ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၇ ရက် မနက်ပိုင်းတင်ဆက်ပေးမယ့်သတင်းတွေကတော့ - နေပြည်တော်မှာ အကြမ်းဖက်စစ်ကောင်စီက ကျင်းပမယ့် ၇၈ နှစ်မြောက် စစ်တပ်အခမ်းအနား ပြုလုပ်မယ့် စစ်ရေးပြလေ့ကျင့်ကွင်းကို မနေ့ည ၇ နာရီခွဲအချိန်က ရှော့တိုက်ဒုန်း ၄ လုံးနဲ့ ပစ်ခတ်တိုက်ခိုက်တယ်လို့ တော်လှန်ရေးသတင်းရင်းမြစ်တွေက ပြောပါတယ်။ -ရန်ကုန်တိုင်း၊ သန်လျင်မြို့နယ်မှာ စစ်ဗိုလ်ချုပ်တွေရဲ့ စီးပွားရေးအကြံပေး မင်းတေဇာညွန့်တင် ပစ်ခတ်ခံရလို့ သေဆုံးပြီးနောက် စစ်တပ်နဲ့ မိတ်ဖက်စီးပွားရေးသမားတွေအားလုံး ထွက်ပြေးတိမ်းရှောင်နေကြတယ်လို့ ရန်ကုန်စီးပွားရေးသမားတွေဆီက သိရပါတယ်။ - NLD အစိုးရလက်ထက်က တောင်သူတွေကိုချေးထားတဲ့ စိုက်ပျိုးရေးချေးငွေကို အတင်းအဓမ္မ ပြန်ဆပ်ဖို့ စစ်ကောင်စီက ပြန်ပေးဆွဲတဲ့ပုံစံနဲ့ ဖမ်းချုပ် ငွေတောင်းနေတယ်လို့ တောင်သူတွေက ပြောပါတယ်။ - အကြမ်းဖက်စစ်ကောင်စီက မြို့နယ်တွေ ရပ်ကွက်ကျေးရွာတွေမှာ NLD အမတ်လောင်း၊ NLD ပါတီရဲ့ မြို့နယ်ခေါင်းဆောင်တွေ CDM ဝန်ထမ်းတွေ မရှိစေရေး စစ်ကောင်စီက စီမံချက်ချ အရေးယူနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
