ကြာအင်းဆိပ်ကြီးတိုက်ပွဲ စစ်ကောင်စီတပ် ဘယ်လောက်အထိနာလဲ ကရင်ပြည်နယ်၊ ကြာအင်းဆိပ်ကြီးမြို့နယ်အတွင်း ပြီးခဲ့သည့် မတ် ၁၆ရက်နှင့် ၂၁ရက်တို့တွင် စစ်ကောင်စီတပ်ဖွဲ့နှင့် တော်လှန်ရေးပူးပေါင်းတပ်ဖွဲ့များ နှစ်ဖက်တိုက်ပွဲ ပြင်းထန်ခဲ့ပြီး စစ်ကောင်စီဘက်က အထိနာသည့် အခြေအနေကို တော်လှန်ရေးတပ်ဖွဲ့များက ဓာတ်ပုံ၊ ဗီဒီယိုများဖြင့် ယနေ့(မတ် ၂၄)တွင် ထုတ်ပြန်သည်။ ကွီလုံးတိုင်ရွာသစ်နှင့် တောင်ကလေးကျေးရွာအနီး ပြင်းထန်ခဲ့သည့် တိုက်ပွဲအတွင်း စစ်ကောင်စီတပ်ဖွဲ့ဝင် ၁၀ဦးထက်မနည်း သေဆုံးခဲ့ပြီး လက်နက်တချို့လည်း သိမ်းဆည်းရမိခဲ့သည်ဟု ဆိုသည်။ အထိနာသည့် စစ်ကောင်စီတပ်က လေယာဉ်၊ ရဟတ်ယာဉ်များဖြင့် ငါးကြိမ်ထက်မနည်း လာရောက်ပစ်ခတ်ခဲ့သည့် တိုက်ပွဲအခြေအနေနှင့် စစ်ကောင်စီတပ်ဖွဲ့ဝင်များ၏ တိုက်ရည်ခိုက်ရည်ကို ထိုတိုက်ပွဲတွင် ကိုယ်တိုင်ပါဝင်သည့် နဂါးနီစစ်ကြောင်းမှ ဒုစစ်ကြောင်းမှူး ကိုဟိန်း က ပြောပြထားသည်။ သတင်း၊ တင်ဆက် - စထွန်းအောင် (လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)