Khit Thit သတင်းဌာန၏ မတ် ၂၄ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၄ ရက် ညနေပိုင်းတင်ဆက်ပေးမယ့်သတင်းတွေကတော့ -ကရင်ပြည်နယ်၊ KNU တပ်မဟာ (၆) ထိန်းချုပ်နယ်မြေဖြစ်တဲ့ ကြာအင်းဆိပ်ကြီးမှာ ဒဏ်ရာရထားတဲ့ အကြမ်းဖက် စစ်ကောင်စီတပ်သားတွေကို သယ်ယူဖို့နဲ့ ရိက္ခာပို့ဖို့ လာတဲ့ အကြမ်းဖက် စစ်ကောင်စီတပ် စစ်ကြောင်းကို KNLA ၊ PDF ပူးပေါင်းတပ်တွေက တိုက်ခိုက်ရာမှာ စစ်ကောင်စီဘက်က ဒုတပ်ရင်းမှူး အပါအဝင် ၁၀ ဦးသေသွားတယ်လို့သိရပါတယ်။ - ရှမ်းပြည်နယ်က အကြမ်းဖက် စစ်ကောင်စီတပ်ရဲ့ နမ့်စန်လေတပ်က ၂ ပွင့်ဗိုလ် လေတပ်အင်ဂျင်နီယာ ရဲသူရကို ရာထူးတိုးပေးမယ်လို့ပြောပြီး ရှေ့တန်းကို စေလွှတ်ရာကနေ ရှမ်းပြည်နယ် နဲ့ ကရင်နီ ပြည် အစပ်မှာ ဖြစ်တဲ့ တိုက်ပွဲအတွင်း သေသွားတဲ့အပြင် ၊ အလောင်းတောင်ပြန်မရဘူးလို့ မိသားစုတွေဆီ သတင်းပေးပို့လာတဲ့အကြောင်းကို ဒေသသတင်း ရင်းမြစ်တွေဆီကနေ သိရပါတယ်။ -မကွေးတိုင်း၊ ရေစကြိုမြို့နယ်၊ သမန္တပို့- ကျေးရွာနှစ်ရွာကြားမှာ အကြမ်းဖက် စစ်ကောင်စီတပ်နဲ့ ပြည်သူ့ကာကွယ်ရေးတပ်ဖွဲ့တွေကြား တိုက်ပွဲဖြစ်ပွားရာမှာ စစ်ကောင်စီတပ်သား ၅ ဦးက နေရာမှာတင် ပွဲချင်းပြီး သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
