Khit Thit သတင်းဌာန၏ မတ် ၂၃ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၃ ရက် ညနေပိုင်းတင်ဆက်ပေးမယ့်သတင်းတွေကတော့ - မန္တလေးမြို့၊ အောင်မြေသာဇံမြို့နယ်၊ အမရဌာနီ အရှေ့ရပ်ကွက်၊ လမ်း ၈၀၊ ၇ လမ်း နဲ့ ၈ လမ်းကြားမှာ မတ်လ လက်ဖက်ရည်ဆိုင်ထိုင်နေတဲ့ အကြမ်းဖက်စစ်လက်အောက်ခံ သတင်းပေး ရာအိမ်မှူး ၂ ဦးကို အောင်စည်တော် စစ်ဆင်ရေး ရဲဘော်တွေကနေ ပစ်ခတ်ရှင်းလင်းရာမှာ ရာအိမ်မှုး ၂ ဦးလုံး သေသွား တယ်လို့ အောင်စည်တော်စစ်ဆင်ရေးကနေ ထုပ်ပြန်ထားပါတယ်။ - ချင်းပြည်နယ်၊ မတူပီမြို့နယ်၊ မတူပီ ပလက်ဝလမ်းပေါ် မှာ အကြမ်းဖက် စစ်ကောင်စီတပ်နဲ့ CDF – matupi တပ်ဖွဲ့ကြား တိုက်ပွဲဖြစ်ပွားရာမှာ စစ်ကောင်စီတပ်သား ၆ ဦး သေသွားတယ်လို့ CDF –Matupi ဆီကနေ သိရပါတယ်။ - စစ်ကိုင်းတိုင်း၊ မြောင်မြို့နယ်အတွင်း ဝင်ရောက်လာတဲ့ အကြမ်းဖက် စစ်ကောင်စီရဲ့ ဘီလူး စစ်ကြောင်း ကို ပြည်သူ့ကာကွယ်ရေးတပ်ဖွဲ့တွေက တိုက်ခိုက်ရာမှာ စစ်ကောင်စီဘက်က စစ်ကြောင်းမှူးအပါအဝင် ၁၉ ဦး သေသွားတယ်လို့ မြောင်မြို့နယ် ပြည်သူ့ကာ ကွယ်ရေးနှင့် လုံခြုံရေးအဖွဲ့ CDSOM ရဲ့ ကိုနွေဦး က ရန်ကုန်ခေတ်သစ်ကိုပြောပါတယ်။ - မကွေးတိုင်း၊ ရေစကြိုမြို့နယ်မှာ မတ်လ ၂၂ ရက်နေ့က တောင်အိုကျေးရွာဘက်ကို ထွက်လာတဲ့ အကြမ်းဖက် စစ်ကောင်စီတပ်သားတွေကို ပြည်သူ့ကာကွယ်ရေးတပ်ဖွဲ့တွေက ဒရုန်းနဲ့ ဗုံးကျဲတိုက် ခိုက်ရာမှာ စစ်ကောင်စီဘက်က ၅ ဦးဒဏ်ရာရသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
