Khit Thit သတင်းဌာန၏ မတ် ၂၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၀ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - အကြမ်းဖက် စစ်ကောင်စီတပ်က ဖေ့ဘုတ်စ် အပါအဝင် လူမှုကွန်ရက်တွေမှာ အလုပ်ခေါ် စာတွေ လိမ်လည်တင်ပြီး အလုပ် လျှောက်ထားတဲ့သူတွေကို အင်တာဗျူး ခေါ်တွေ့ပြီး တပ်သားသစ်အဖြစ် ခြိမ်းခြောက် ခံဝန် လက်မှတ်ထိုး စုဆောင်းနေတယ်လို့ ပြည်သူ့ရင်ခွင်တပ်တွင်း သတင်းရင်းမြစ်တွေ ဆီကနေ သိရပါတယ်။ - နေပြည်တော်ကို စစ်ဘက်သုံးပစ္စည်းတွေ လာရောက်ပို့ဆောင်ပြီးတဲ့နောက် ရုရှား ကုန်တင်လေယာဉ် RA 78-765 (IL-76)ဟာ မတ်လ ၁၉ ရက်နေ့ ညပိုင်းက နေပြည်တော် အပြည်ပြည်ဆိုင်ရာ လေဆိပ်က နေ ဘင်္ဂလားဒေ့ရှ် နိုင်ငံကို ထွက်ခွာသွားပြီး ဘင်္ဂလားဒေ့ရှ်နိုင်ငံကနေ တစ်ဆင့် ရုရှားနိုင်ငံကို ပြန်မှာဖြစ် တယ်လို့ သိရပါတယ်။ - စစ်ကိုင်းတိုင်း၊ ရွှေဘိုမြို့နယ်၊ ရွှေဘို-ကျောက်မြောင်းလမ်းပေါ်မှာ စစ်သင်တန်းတက်ပြီး စစ်ကိုင်းကို ပြန်လာတဲ့ ပျူစောထီးတွေကို ပြည်သူ့ကာကွယ်ရေးတပ်ဖွဲ့တွေက မိုင်းဆွဲတိုက်ခိုက်ရာမှာ ပျူစောထီး ၉ ဦးသေသွားတယ်လို့ နေလစင်္ကြာ Shwebo PDF ရဲ့ တာဝန်ရှိသူတစ်ဦးကပြောပါတယ်။
