Khit Thit သတင်းဌာန၏ မတ် ၂၀ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၀ ရက် မနက်ပိုင်းတင်ဆက်ပေးမယ့်သတင်းတွေကတော့ -ရန်ကုန်တိုင်း၊ သာကေတမြို့နယ်မှာ ပျူစောထီးအဖွဲ့ဝင် ရဲစိန်နဲ့ ရန်ဖြစ်ခဲ့ဖူးသူ ပြည်သူ ၂ ဦးကို မဘသနဲ့ ပျူစောထီး တင်လင်းထိုက်အဖွဲ့ဝင်တွေက ပစ်သတ်သွားတယ်လို့ ဒေသခံပြည်သူတချို့က ပြောပါတယ်။ - မကွေးတိုင်း၊ ရေစကြိုမြို့နယ်၊ ရေလယ်ကျွန်းဒေသက မြင်းခြံ Black Tiger (MBT) စခန်းကို ဝင် ရောက် တိုက်ခိုက်တဲ့ စစ်တပ်ကို ပြန်လည်ခုခံတိုက်ခိုက်ခဲ့ရာ စစ်သား ၆ ဦးသေသွားတယ်လို့ မြင်းခြံ Black Tiger(MBT) တပ်ဖွဲ့ တာဝန်ရှိသူတစ်ဦးက ပြောပါတယ်။ - စစ်ကိုင်းတိုင်း၊ ကန့်ဘလူမြို့နယ် ကန့်ဘလူ ၆၀၀၆ တင့်ကားတပ်ရင်းက ဗိုလ်ဇေယျာထွန်းဟာ မတ်လ ၁၇ ရက်နေ့ မနက်ပိုင်းက မိန်းမဖြစ်သူ နောက်အိမ်ထောင်ပြုသွားတာနဲ့ စစ်မတိုက်လိုတော့တာတို့ကြောင့် ကိုယ့်ကို ကိုယ်အဆုံးစီရင် သေဆုံးသွားတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
