Khit Thit သတင်းဌာန၏ မတ် ၁၆ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၁၆ ရက် မနက်ပိုင်းတင်ဆက်ပေးမယ့်သတင်းတွေကတော့ -စစ်အာဏာသိမ်းမှုကြောင့် လျှပ်စစ်မီတာခ မပေးဆောင်ထားတဲ့သူတွေကို မြို့နယ်လျှပ်စစ်မန်နေဂျာရုံးက တရားစွဲမယ်ဆိုတဲ့ ခြိမ်းခြောက်စာတွေ ပေးပို့နေတယ်လို့ ဒေသခံပြည်သူတွေက ပြောပါတယ်။ - မွန်ပြည်နယ်၊ ရေးမြို့နယ်မှာ စစ်တပ်သတင်းပေးလို့ သတ်မှတ်ခံရသူကို ရေးဘီလူးအဖွဲ့က ပစ်ခတ်ရှင်းလင်းပြီး အပြန်လမ်းမှာ စစ်တပ်နဲ့ တိုက်ပွဲဖြစ်ပွားခဲ့တယ်လို့ ရေးဘီလူးအဖွဲ့ခေါင်းဆောင်က တရားဝင် ထုတ်ဖော်ပြော ဆိုပါတယ်။ - စစ်ကိုင်းတိုင်း၊ မုံရွာမြို့နယ်၊ ထနောင်းတောတောင်ရွာက အသက် ၇၀ အရွယ် သက်ကြီးရွယ်အို ၃ ဦးကို စစ်တပ်က မီးရှို့သတ်ဖြတ်ခဲ့တယ်လို့ မုံရွာ_အမြင့်လမ်းသတင်းမှန်ပြန်ကြားရေးအဖွဲ့ တာဝန်ရှိသူတစ်ဦးက ပြောပြတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
