Khit Thit သတင်းဌာန၏ မတ် ၁၄ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၁၄ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - စစ်ကိုင်းတိုင်း၊ တန့်ဆည်မြို့နယ်က ပြည်သူ့ကာကွယ်ရေးတပ်ဖွဲ့တွေ သိမ်းပိုက်ခဲ့တဲ့ ပျူစောထီး စခန်းကို ပြန်လည်ဝင်ရောက်ဖို့ ကြိုးစားတဲ့ အကြမ်းဖက် စစ်ကောင်စီတပ် အကြိမ်ကြိမ်တိုက်ခိုက်ခံရပြီး ၆ဦးထက် မနည်းသေသွားတဲ့အပြင် ဒဏ်ရာရသူတွေပါ များသွားတယ်လို့ ဒေသခံ ကာကွယ်ရေးတပ်က ပြောပါတယ်။ - မကွေးတိုင်း၊ ပေါက်မြို့နယ်မှာ မတ်လ ၁၃ ရက်နေ့က စစ်ကြောင်းထိုးပြီး ပြည်သူတွေရဲ့ နေအိမ်တွေကို ဖျက်ဆီးနေတဲ့ အကြမ်းဖက် စစ်ကောင်စီတပ်ကို လက်တုံ့ပြန်တဲ့ အနေနဲ့ ရေပြာလမ်းဆုံမှာရှိတဲ့ အကြမ်း ဖက် စစ်ကောင်စီတပ်ရဲ့ စစ်ဆေးရေးဂိတ်ကို တိုက်ခိုက်ခဲ့တယ်လို့ Anonymous Special Task Force -Pauk ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ -မန္တလေးတိုင်း၊ မတ္တရာမြို့နယ်၊ မြွေဟင်္သာကျေးရွာ နဲ့ မြွေကြည်ကုန်းကျေးရွာကြားက တံတားပေါ် မှာ အကြမ်းဖက်စစ်ကောင်စီတပ်သားတွေက ပြည်သူ့ကာကွယ်ရေးတပ်ဖွဲ့တွေက မိုင်းဆွဲတိုက်ခိုက်မှုအတွင်း စစ်ကောင်စီဘက်က ၈ ဦး သေသွားပြီးတဲ့နောက် စစ်ကောင်စီဘက်က ပြည်သူ ၈ ဦးထက်မနည်းကို ဖမ်းဆီးသတ်ဖြတ်ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
