Khit Thit သတင်းဌာန၏ မတ် ၁၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၁၁ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -အကြမ်းဖက်စစ်ကောင်စီက စက်သုံးဆီတွေ လိုသလောက် တင်သွင်းခွင့်မပေးတော့ဘဲ စိစစ်မယ်လို့ ပြောဆိုပြီးတဲ့နောက် ဆီရောင်းချရာမှာ မသမာမှုတွေ နဲ့ သိုလှောင် စျေးကစားမှုတွေကို အရေးယူမယ် ဆိုပြီး စစ်ကောင်စီ လက်အောက်ခံ မြန်မာနိုင်ငံ စက်သုံးဆီ တင်သွင်းရောင်းချ ဖြန့်ဖြူးရေး အသင်း(MPTA) က ထုတ်ပြန်လိုက်ပါတယ်။ - ကချင်ပြည်နယ်၊ မိုးကောင်းမြို့နယ်မှာ အကြမ်းဖက် စစ်ကောင်စီရဲ့ ခလရ ၇၄ တပ်က ဗိုလ်ကြီး ဇင်မင်းဦး ဆိုသူဟာ ရုပ်ဖျက်ပြီး သွားလာနေတဲ့အချိန် PDF တပ်ဖွဲ့တွေက ပစ်ခတ်ရာမှာ ဒဏ်ရာ အပြင်းအထန် ရသွားပြီး အသက်အန္တရာယ်စိုးရိမ်ရတဲ့အတွက် သေဖို့များတယ်လို့ တော်လှန်ရေး ရဲဘော်တွေဆီကနေ သိရပါတယ်။ - ကရင်ပြည်နယ်၊ KNU တပ်မဟာ ၅ နယ်မြေ ဖာပွန်ခရိုင်မှာရှိတဲ့ အကြမ်းဖက် စစ်ကောင်စီ လက် အောက်ခံ ကတိုင်တိ ရဲစခန်း နဲ့ BGF စခန်းကို KNLA တပ်ဖွဲ့တွေက ဝင်ရောက် တိုက်ခိုက်ရာမှာ စစ် ကောင်စီဘက်က ၈ ဦးသေသွားတယ်လို့ KNU က ထုတ်ပြန်ထားတဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
