Khit Thit သတင်းဌာန၏ မတ် ၁၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၁၀ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - စစ်ကိုင်းတိုင်း၊ ဝက်လက်မြို့နယ်၊ ရွာသာကြီး- စံပြရွာမှာ တပ်စွဲထားတဲ့ အကြမ်းဖက် စစ်ကောင်စီ တပ်ကို ပြည်သူ့ကာကွယ်ရေးတပ်ဖွဲ့တွေက မတ်လ ၈ ရက်နေ့မှာ ဒရုန်းနဲ့ တိုက်ခိုက်မှုအပါအဝင် ရှော့တိုက်ဒုံးတွေနဲပါ ပစ်ခတ်တိုက်ခိုက်ရာ ၆ ဦးသေဆုံးခဲ့ပါတယ်။ - ချင်းပြည်နယ်၊ ပလက်၀မြို့နယ်မှာ မတ်လ ၉ ရက်နေ့ကလည်း အကြမ်းဖက် စစ်ကောင်စီတပ်နဲ့ CNA ၊ CDF ပလက်ဝ ပူးပေါင်းတပ်တွေကြား ထပ်မံ တိုက်ပွဲဖြစ်ပွားရာမှာ စစ်ကောင်စီဘက်က ၈ ဦး ထပ်သေ သွားတယ်လို့ CDF ပလက်၀ကနေ သတင်းထုတ်ပြန်ထားပါတယ်။ - စစ်ကိုင်းတိုင်း၊ ယင်းမာပင်မြို့နယ်မှာရှိတဲ့ နဘူးတောရွာကို အကြမ်းဖက် စစ်ကောင်စီတပ်က ဝင်ရောက် စီးနင်းပြီး သားသမီး ၂ ဦးရဲ့ ဖခင် ထန်းတက်သမား ကိုဇော်မင်း ဆိုသူကို ပစ်သတ်သွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
