Khit Thit သတင်းဌာန၏ မတ် ၈ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၈ ရက် ညနေပိုင်းတင်ဆက်ပေးမယ့်သတင်းတွေကတော့ - ဒီးမော့ဆိုမြို့နယ် တစ်နေရာမှာ အမျိုးသားညီညွတ်ရေးအစိုးရရဲ့ အမျိုးသမီးနှင့် ကလေးသူငယ် ဝန်ကြီးဌာန နဲ့ ကျေးလက်မြေအဖွဲ့တို့ ပူးပေါင်းပြီးတော့ အမျိုးသမီး ၁၀၀ ကျော်နဲ့အတူ အပြည်ပြည် ဆိုင်ရာအမျိုးသမီးများနေ့ ဟောပြောပွဲကို ပြုလုပ်ခဲ့ကြတယ်လို့ သိရပါတယ်။ -ချင်းပြည်နယ်၊ ထန်တလန်မြို့မှာ ရိက္ခာလာပို့တဲ့ အကြမ်းဖက် စစ်ကော်စီရဲ့ Mi 17 ရဟတ်ယာဥ်ကို CNA နှင့် CDF-ထန်တလန် တပ်ဖွဲ့တွေကနေ ဒရုန်းနဲ့ တိုက်ခိုက်ရာမှာ ရဟတ်ယာဥ်ကို ထိမှန်သွားပြီး ၊ မီးခိုးတလူလူနဲ့ ရဟတ်ယာဉ်ဟာ ပျံပြေး သွားတဲ့အပြင် ၊ လာပို့တဲ့ လက်နက်ခဲ ယမ်းတွေပါ ပေါက်ကွဲ ပျက်စီးသွားတယ်လို့ Chinland Informtion Center ကနေ ဗီဒီယိုနဲ့ တကွ သတင်းထုတ်ပြန် ထားပါတယ်။ - တအာင်းပြည်နယ်မှာ ရှိတဲ့ အကြမ်းဖက် စစ်ကောင်စီ လက်အောက်က Non -CDM ဝန်ထမ်းတွေ အနေနဲ့ ဩဂုတ်လ ၈ ရက်နေ့ နောက်ဆုံးထားပြီး ၊ CDM လုပ်ကြဖို့ နဲ့ CDM မလုပ်ရင် အရေးယူမယ်လို့ TNLA ကနေ တရားဝင် သတိပေး ကြေညာလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
