Khit Thit သတင်းဌာန၏ မတ် ၈ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၈ ရက် မနက်ပိုင်းတင်ဆက်ပေးမယ့်သတင်းတွေကတော့ -အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာန အမှတ်(၁) စစ်ဒေသနယ်မြေဖြစ်တဲ့ စစ် ကိုင်းတိုင်း၊ မကွေးတိုင်း၊ မန္တလေးတိုင်းနဲ့ ရှမ်းပြည်နယ်မြောက်ပိုင်းတို့မှာ စစ်ကောင်စီတပ်နဲ့ တိုက်ပွဲပေါင်း ၂,၄၆၀ ခန့် ဖြစ်ပွားခဲ့ပြီး အကြမ်းဖက်စစ်ကောင်စီတပ်ဖွဲ့ဝင် ၄,၄၀၀ ကျော် သေသွားပါတယ်လို့ ကာကွယ်ရေး ဝန်ကြီးဌာနက သတင်းထုတ်ပြန်ပါတယ်။ - စစ်ကိုင်းတိုင်း၊ ဝက်လက်မြို့နယ်၊ ပြွန်ဦးရွာနဲ့ ဘုရားပြန်ကျေးရွာအကြားမှာ အကြမ်းဖက်စစ်တပ် စစ်ကြောင်းကို PDF တပ်ဖွဲ့တွေ ဝိုင်းဝန်းတိုက်ခိုက်ရာ စစ်သား ၁၈ ဦးခန့်သေဆုံးသွားတယ်လို့ မန္တလေးခရိုင် တပ်ရင်း ၃ ဆီက သိရပါတယ်။ - သံလွင်အရှေ့ခြမ်း စွပ်ပိုင်လှေဆိပ်နဲ့ ဟွေပူလောင်းကြား နမ့်ပန်ချောင်းဘေးမှာ အခြေပြုထားတဲ့ စစ်ကောင်စီတပ် ရှေ့တန်းခလရ(၅၄)နဲ့ နယ်ခြားစောင့်တပ်တို့ ရှိနေတဲ့ ဟွေအွမ်တပ်စခန်းကို ကရင်နီ ကွန်မန်ဒိုတပ်ဖွဲ့က မတ်လ(၆)ရက်နေ့ နံနက်(၅)နာရီ(၄၅)မိနစ်မှာ ရုတ်တရက်ဝင်ရောက် စီးနှင်းတိုက်ခိုက်သိမ်း ပိုက်ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
