Khit Thit သတင်းဌာန၏ မတ် ၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂ ရက် ညနေပိုင်းတင်ဆက်ပေးမယ့်သတင်းတွေကတော့ - စစ်ကိုင်းတိုင်း၊ ကန်ဘလူမြို့နယ်၊ ချပ်ကြီးရွာမှာရှိတဲ့ အကြမ်းဖက် စစ်ကောင်စီတပ်စခန်းကို PDF တပ်ဖွဲ့တွေက ဝင်ရောက်တိုက်ခိုက်ရာမှာ စစ်ကောင်စီဘက်က တိုက်ခိုက်ရေးရဟတ်ယာဉ်နဲ့ပါလာ ရောက် ပစ်ကူခဲ့သလို ၊ စစ်ကောင်စီတပ် နဲ့ ပျူစောထီးတွေ အထိနာနေတယ်လို့ ကန့်ဘလူလင်းယုန်နီ အဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကိုပြောပါတယ်။ - စစ်ကိုင်းတိုင်း၊ ဘုတလင်မြို့နယ်မှာ ဒီကနေ့ မတ်လ ၂ ရက်နေ့ မနက်ပိုင်းက ခရီးသည်တင်ကားတွေ ဆီကနေ ဆက်ကြေးကောက်ဖို့ ထွက်လာတဲ့ အကြမ်းဖက် စစ်ကောင်စီကားကို ပြည်သူ့ကာကွယ်ရေး တပ်ဖွဲ့တွေက ပစ်ခတ်တိုက်ခိုက်ရာမှာ စစ်ကောင်စီဘက်က ၃ ဦးသေသွားပြီး လက်နက် ၂ လက်ကိုပါ သိမ်းဆည်းရမိခဲ့တယ်လို့ ဘုတလင်မြို့နယ် ဒေသကာကွယ်ရေးတပ်ဖွဲ့ရဲ့ တာဝန်ရှိသူတစ်ဦးက ပြောပါ တယ်။ - စစ်ကိုင်းတိုင်း၊ စစ်ကိုင်းမြို့နယ်၊ တာတိုင်-ကျေးရွာက PDF ရဲဘော် ကိုကျော်ဇော ဆိုသူကို အကြမ်းဖက် စစ်ကောင်စီတပ်က ခြေလက် နဲ့ ခေါင်းပါ ဖြတ်လိုက်တဲ့အပြင် ၊ ဗိုက်ကိုပါ ဖောက်ထုတ်ပြီး ရက်ရက် စက်စက် သတ်ဖြတ်သွားတဲ့ သတင်းအပါဝင် နောက်ဆုံးရသတင်းတွေကို တင်ဆက်ပေးပါမယ်။
