Khit Thit သတင်းဌာန၏ ဖေဖော်ဝါရီ ၂၈ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဖေဖော်ဝါရီ ၂၈ ရက် ညနေပိုင်းတင်ဆက်ပေးမယ့်သတင်းတွေကတော့ - မကွေတိုင်း နဲ့ စစ်ကိုင်းတိုင်းအစပ်၊ ထီးလင်းမြို့နယ်၊ ပုံတောင်နတ်ထိပ်မှာ အကြမ်းဖက် စစ်ကောင်စီ တပ်နဲ့ ပြည်သူ့ကာကွယ်ရေးတပ်ဖွဲ့တွေကြားတိုက်ပွဲဖြစ်ပွားခဲ့ရာမှာ စစ်ကောင်စီဘက်က ၃ ဦးသေပြီး ၊ သေနတ်တစ်လက် နဲ့ ခဲယမ်း တချို့ကိုပါ သိမ်းဆည်းရရှိခဲ့တယ်လို့ ထီးလင်း PDF ဆီကနေ သိရပါတယ်။ - စစ်ကိုင်းတိုင်း၊ မြင်းမူမြို့ပေါ် မှာရှိတဲ့ မြန်မာ့စီးပွားရေးဘဏ် နဲ့ အထက ၁ ကျောင်းမှာ တပ်စွဲထားတဲ့ အကြမ်းဖက် စစ်ကောင်စီတပ်ကို ပြည်သူ့ကာကွယ်ရေးတပ်ဖွဲ့တွေက ဝင်ရောက်တိုက်ခိုက်ရာမှာ စစ်ကောင်စီတပ်သား ၂ ဦးသေသွားတယ်လို့ People’s Army to Fight Dictatorship - PAFD တပ်ဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ် ကိုပြောပါတယ်။ - မန္တလေးတိုင်း ၊ မတ္တရာမြို့နယ်၊ ကျွန်းပင်-ကျေးရွာကို နယ်မြေရှင်းလင်းဖို့ လာတဲ့ အကြမ်းဖက် စစ်ကောင် စီတပ်သားတွေကို ပြည်သူ့ကာကွယ်ရေးတပ်ဖွဲ့တွေကနေ မိုင်းဆွဲ တိုက်ခိုက်ရာမှာ စစ်ကောင်စီဘက်က ၄ ဦး သေသွားတဲ့ သတင်းအပါအဝင်နောက်ဆုံးရသတင်းတွေကို တင်ဆက် ပေးပါမယ်။
