Khit Thit သတင်းဌာန၏ ဖေဖော်ဝါရီ ၂၇ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဖေဖော်ဝါရီ ၂၇ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - အကြမ်းဖက် စစ်ကောင်စီ တပ်အတွင်းမှာ ဒုဗိုလ်မှူးကြီးအဆင့် တပ်ရင်းမှူးတွေ ကိုယ်တိုင် တပ်တွင်း ပုန်ကုန်မှုတွေ နဲ့ အမိန့်မနာခံမှုများစွာ ဖြစ်ပေါ်လာပြီးတဲ့နောက် မင်းအောင်လှိုင်က သူ့တပ်သားတွေကို အမိန့်နာခံမှု ရှိရမယ်ဆိုပြီး လိုက်လံသတိပေး ပြောဆို နေရတယ်လို့ တပ်တွင်း သတင်းရင်းမြစ်ကနေ သိရပါတယ်။ -ပဲခူးတိုင်း၊ ဝေါမြို့ နဲ့ ဖြူးမြို့တွေမှာ အကြမ်းဖက် စစ်ကောင်စီလက်အောက်ခံ ရဲတွေကို ပစ်ခတ် တိုက်ခိုက် မှုများဖြစ်ပွားပြီး ရဲ ၂ ဦးသေသွားတဲ့အပြင် အများအပြား ဒဏ်ရာရသွားတယ်လို့ ဒေသ ကာကွယ်ရေးတပ်တွေ နဲ့ ဒေသခံ ပြည်သူတွေဆီကနေ သိရပါတယ်။ -တနင်္သာရီတိုင်း ၊ တနင်္သာရီမြို့နယ်၊ ဆင်ခြေဖုံးကျေးရွာအုပ်စုက အုပ်ချုပ်ရေးမှူး ရန်အောင်စိုး ဆိုသူကို ဖေဖော်ဝါရီလ ၂၅ ရက်နေ့က တနင်္သာရီမြို့နယ် ပကဖ (တောင်ပံနီ) ကနေ ပစ်ခတ် ရှင်းလင်းရာမှာ သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
