Khit Thit သတင်းဌာန၏ ဖေဖော်ဝါရီ ၂၅ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၂၅ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - ကရင်ပြည်နယ်၊ ကြာအင်းဆိပ်ကြီးမြို့နယ်က အကြမ်းဖက် စစ်ကောင်စီလက်အောက်ခံ ဘုရား သုံးဆူမြို့ ရဲစခန်းမှာ ဒီကနေ့ ဖေဖော်ဝါရီလ ၂၅ ရက်နေ့ မနက်အစောပိုင်းက တိုက်ပွဲဖြစ်ပြီး ရဲစခန်း မီးလောင်နေတယ်လို့ ဒေသခံ ပြည်သူတွေက ရန်ကုန်ခေတ်သစ်ကို ပြောပါတယ်။ - စစ်ကိုင်းတိုင်း၊ အရာတော်မြို့နယ်၊ မင်းရွာကြီးမြောက်ရွာမှာ ဖေဖော်ဝါရီလ ၂၃ ရက်နေ့က အကြမ်းဖက် စစ်ကောင်စီတပ် နဲ့ PDF တပ်ဖွဲ့တွေကြား တိုက်ပွဲ ဖြစ်ပွားခဲ့ပြီး ၊ စစ်ကောင်စီဘက်က ၁၀ ဦး နီးပါး သေ သွားသလို ၊ စက်လေးပစ်တဲ့ စစ်ကောင်စီဘက်က စစ်ကူစစ်ကြောင်းက သူ့လူတွေကိုပါ သိသိကြီးနဲ့ ပြန်ပစ်ခဲ့တယ်လို့ တောင်သာ PDF တပ်ဖွဲ့ရဲ့ တာဝန်ရှိသူ တစ်ဦးက ရန်ကုန် ခေတ်သစ်ကိုပြောပါတယ်။ -မကွေးတိုင်း၊ ပေါက်မြို့နယ်မှာ ဖေဖော်ဝါရီလ ၂၄ ရက်နေ့က တိုက်ပွဲ နှစ်ကြိမ်ဖြစ်ပွားပြီး ၊ စစ်ကောင်စီ ဘက်က ၄ ဦးထက်မနည်း သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
