Khit Thit သတင်းဌာန၏ ဖေဖော်ဝါရီ ၂၃ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၂၃ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - ရှမ်းပြည်နယ်၊ ကလော နဲ့ ဟဲဟိုးဘက်ကနေ ဒီကနေ့ ဖေဖော်ဝါရီလ ၂၃ ရက်နေ့ မနက်ပိုင်းမှာ အကြမ်း ဖက်စစ်ကောင်စီတပ်ရဲ့ စစ်ကားများစွာဟာ တပ်သား အင်အား အပြည့်အစုံ ၊ လက်နက် အပြည့်အစုံ နဲ့ ရှေ့တန်းထွက်ခွာလာတယ်လို့ ဒေသခံ ပြည်သူတွေက ရန်ကုန်ခေတ်သစ်ကို ပြောပါတယ်။ - မန္တလေးတိုင်း၊ မိုးကုတ်မြို့နယ်၊ ကသဲကျေးရွာအုပ်စုက အုပ်ချုပ်ရေးမှူးရုံးအစောင့် စစ်ကောင်စီ တပ်သားတွေကို ဒီကနေ့ ဖေဖော်ဝါရီလ ၂၃ ရက်နေ့ မနက်အစောပိုင်းက ပစ်ခတ်တိုက်ခိုက်မှုဖြစ် ပွားပြီးနောက် ၊ စစ်ကောင်စီတပ်က အခင်းဖြစ်ပွားရာ အုပ်ချုပ်ရေးမှူးရုံး နဲ့ အနီးပတ်ဝန်းကျင်က လမ်းတွေကို ပိတ်ဆို့ စစ်ဆေးနေတယ်လို့ သိရပါတယ်။ - စစ်ကိုင်းတိုင်း၊ ရွှေဘိုမြို့နယ်၊ ထူးကြီးရွာကို အကြမ်းဖက် စစ်ကောင်စီတပ်က ဖေဖော်ဝါရီလ ၂၀ ရက်နေ့မှာ ဝင်ရောက် စီးနင်း မီးရှို့ဖျက်ဆီးမှုကြောင့် ရွာလုံးကျွတ် မီးလောင် ပြာကျခဲ့တဲ့ သတင်း အပါအဝင် နောက်ဆုံးရသတင်းတွေကို တင်ဆက်ပေးပါမယ်။
