Khit Thit သတင်းဌာန၏ ဖေဖော်ဝါရီ ၁၈ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၁၈ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -မန္တလေးတိုင်း၊ ကျောက်ပန်းတောင်းမြို့နယ်မှာ အကြမ်းဖက် စစ်ကောင်စီရဲ့ မြို့နယ်ရဲမှူး နဲ့ စခန်းမှူး က ကျောက်ပန်းတောင်းမြို့နယ် လ၀က ဦးစီးမှူးကို သေနတ်ပစ်နည်း သင်ပေးတဲ့အ ချိန် လ၀က ဦးစီးမှူးရဲ့ ပေါင်ကို သေနတ်ကျည်ထိမှန်ပြီး ပေါင်အရိုးပါ အက်ကျိုး သွားတယ်လို့ သိရပါတယ်။ - အကြမ်းဖက်စစ်ကောင်စီက ရပ်ကွက်အုပ်ချုပ်ရေးမှူးတွေကို လက်နက်ကိုင်ဆောင်ခွင့် လျှောက်လွှာ တင်ဖို့ မလိုအပ်ဘဲ လက်နက်တွေ တပ်ဆင် ထုတ်လုပ်ပေးနေတယ်လို့ ရပ်ကွက်အုပ်ချုပ်ရေးမှူး တချို့ဆီကနေ သိရပါတယ်။ - ဖရူဆိုမြို့နယ်၊ မာခရောရှေ့ ကျေးရွာမှာ တပ်စွဲထားတဲ့ အကြမ်းဖက်စစ်ကောင်စီတပ်သားတွေ ရေခပ် ဆင်းလာတဲ့အချိန် ပြည်သူ့ကာကွယ်ရေးတပ်ဖွဲ့တွေက ပစ်ခတ်တိုက်ခိုက်ရာမှာ စစ်ကောင်စီ တပ်သား စစ်သား ၁ ဦးသေပြီး ၊ ထိခိုက်ဒဏ်ရာရတဲ့သူတွေ ရှိသွားတဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
