Khit Thit သတင်းဌာန၏ ဖေဖော်ဝါရီ ၁၈ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၁၈ ရက် မနက်ပိုင်းတင်ဆက်ပေးမယ့်သတင်းတွေကတော့ -မင်းအောင်လှိုင်ခေါင်းဆောင်တဲ့ အကြမ်းဖက်စစ်တပ် အာဏာသိမ်းမှု ၂နှစ်ကျော်လွန်လာချိန်မှာ အာဏာ သိမ်းမှုကို ဆန့်ကျင်ခဲ့ကြတဲ့ ဒီမိုကရေစီအရေး လှုပ်ရှားသူတွေနဲ့ ပြည်သူတွေ ကျဆုံးခဲ့သူ စုစုပေါင်းမှာ (၃၀၀၀) ဦး ရှိပြီဖြစ်တယ်လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP) က မနေ့က ထုတ်ပြန်ပါတယ်။ - မန္တလေးတိုင်း၊ နွားထိုးကြီးမြို့ အရှေ့ဘက်၊ ထန်းဇင်ရွာအနီး စစ်တပ်ဂိတ်ကို ဒရုန်းနဲ့ ၂ ကြိမ် ဗုံးကြဲ တိုက်ခိုက်ခဲ့ရာ တပ်ကြီး ၁ ဦးအပါအဝင် ၄ ဦး သေသွားတယ်လို့ မြင်းခြံခရိုင်တပ်ရင်း ၄ နွားထိုးကြီး PDF မှ တာဝန်ရှိသူတစ်ဦး က ပြောပါတယ်။ - စစ်ကိုင်းတိုင်း၊ ပုလဲမြို့နယ်၊ မင်းတိုင်ပင်ကျေးရွာနဲ့ ကိုင်းတွင်းရွာကို အကြမ်းဖက်စစ်တပ်က ဝင်ရောက် စီးနင်းပြီး ပြည်သူပိုင်နေအိမ် ၃ လုံးကို မီးရှို့ဖျက်ဆီးကာ ပြည်သူပိုင်ပစ္စည်းတွေကို ခိုးယူလုယက်သွားတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
