Khit Thit သတင်းဌာန၏ ဖေဖော်ဝါရီ ၁၇ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၁၇ ရက် မနက်ပိုင်းတင်ဆက်ပေးမယ့်သတင်းတွေကတော့ -မန္တလေးတိုင်း၊ မတ္တရာမြို့ပေါ်အပါအဝင် နေရာ ၄ ခုကို ဒရုန်းနဲ့ ဗုံးကျဲတိုက်ခိုက်ခဲ့ရာ အကြမ်းဖက်စစ်သားတွေ ထိခိုက်မှုရှိနိုင်တယ်လို့ ယူနီကွန်းပြောက်ကျားတပ်ဖွဲ့ တာဝန်ရှိသူတစ်ဦးက ပြောပါတယ်။ - စစ်ကိုင်းတိုင်း၊ ရွှေဘိုမြို့နယ်၊ ပလိုင်းရွာမှာတပ်စွဲထားတဲ့ အကြမ်းဖက်စစ်သားတွေကို လက်နက်ကြီးတွေနဲ့ ပစ်ခတ်တိုက်ခိုက်ခဲ့ရာ စစ်သား ၄ ဦး သေသွားတယ်လို့ Chindwin Attack Force တာဝန်ရှိသူတစ်ဦးက ပြောပါတယ်။ - ရန်ကုန်တိုင်း၊ ဗဟန်းမြို့နယ်၊ ဖိုးစိန်လမ်းမှာ နေထိုင်တဲ့ သရုပ်ဆောင် မင်းအုပ်စိုးကို ဓားပြမှု၊ ခြိမ်းခြောက်မှု၊ ပိုင်နက်ကျူးလွန်မှုတွေနဲ့ စစ်ကောင်စီက အမှုဖွင့်ထားပြီး ထွက်ပြေးနေလို့ သူ့ နေအိမ်ကို ချိတ်ပိတ်လိုက်တယ်လို့ သိရပါတယ်။ - မန္တလေးတိုင်း၊ စစ်ကိုင်းတိုင်း၊ မကွေးတိုင်းမှာ စစ်ကောင်စီတပ်တွေနဲ့ တိုက်ပွဲဖြစ်ပွားနေတဲ့ မြင်းခြံ Black Tiger အဖွဲ့အနေနဲ့ တိုက်ပွဲတွေ ပိုမို ပြင်းထန်လာတာ တပ်ဖွဲ့ဝင်တွေ များပြားလာတာတို့ကြောင့် ကုန်ကျ စရိတ် များလာတဲ့အတွက် ပြည်သူတွေ ကူညီပေးကြဖို့ မေတ္တာရပ်ခံထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
