Khit Thit သတင်းဌာန၏ ဖေဖော်ဝါရီ ၁၅ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၁၅ ရက် ညနေပိုင်းတင်ဆက်ပေးမယ့်သတင်းတွေကတော့ - မွန်ပြည်နယ်၊ ပေါင်မြို့နယ်မှာ "PDF တွေကို ဂုတ်ဆွဲပြီးဖမ်းပြမယ်"ဆိုပြီး ကြိမ်းဝါးထားတဲ့ အကြမ်း ဖက်စစ်ကောင်စီတပ်ရဲ့ လက်အောက်ခံ ပျူစောထီးခေါင်းဆောင် မြင့်ရီ ဆိုသူကို PDF တပ်ဖွဲ့က လက်ဘ္လ ရည်ဆိုင်အတွင်း ပစ်ခတ်ရှင်းလင်းရာမှာ သေသွားတယ်လို့ အထူးစစ်ဆင်ရေးတပ်ဖွဲ့ - S.O.F ရဲ့ တာဝန်ရှိ သူတစ်ဦးက ရန်ကုန်ခေတ်သစ်ကို ပြောပါတယ်။ - စစ်ကိုင်းတိုင်း၊ မုံရွာမြို့၊ မြို့ဝင်ရပ်၊ ရေဦးဆန်ဆိုင် နားမှာ တပ်စွဲထားတဲ့ အကြမ်းဖက် စစ်ကောင်စီ တပ်သားတွေကို ပြည်သူ့ကာကွယ်ရေးတပ်ဖွဲ့တွေကနေ ဖေဖော်ဝါရီလ ၁၄ ရက်နေ့က အလစ်အငိုက် ဝင်ရောက်တိုက်ခိုက်ရာမှာ စစ်ကောင်စီတပ်သား ၂ ဦးသေသွားတယ်လို့ Chindwin Attack Force ဆီကနေ သိရပါတယ်။ - ပဲခူးတိုင်း၊ သာယာဝတီမြို့နယ်၊ သုံးဆယ်မြို့မှာရှိတဲ့ အကြမ်းဖက် စစ်ကောင်စီတပ် လက်အောက်ခံ ပျူစောထီးအဖွဲ့တွေ ပြုလုပ်တဲ့ လောင်းကစားဝိုင်းကို သတိပေး ဖောက်ခွဲတိုက်ခိုက်ခဲ့တဲ့ သတင်း အပါအဝင် နောက်ဆုံးရသတင်းတွေကို တင်ဆက်ပေးပါမယ်။
