Khit Thit သတင်းဌာန၏ ဖေဖော်ဝါရီ ၁၅ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၁၅ ရက် မနက်ပိုင်းတင်ဆက်ပေးမယ့်သတင်းတွေကတော့ -ပြည်သူ ရွေးကောက်တင်မြှောက်ထားတဲ့ အရပ်သားအစိုးရကို ဖြုတ်ချပြီး လက်နက်အားကိုးနဲ့ မတရား အာဏာ သိမ်းထားတဲ့ မင်းအောင်လှိုင်ဟာ သူ့ကိုယ်သူ သမ္မတတစ်ဦးလို သမ္မတရဲ့ လုပ်ပိုင်ခွင့် အာဏာတွေကို သုံးပြီး ပြည်ထောင်စုဝန်ကြီးဌာန ဝါစဉ်တွေကို သတ်မှတ်ထုတ်ပြန်လာတာဖြစ်ပါတယ်။ - စစ်ကိုင်းတိုင်း၊ ရွှေဘိုမြို့နယ်၊ တင့်တယ်ရွာနဲ့ ကျောက်မြင့်ရွာကို အကြမ်းဖက်စစ်တပ်က ဝင်ရောက် မီးရှို့ပြီး တင့်တယ်ကျေးရွာက ပြည်သူ ၄ ဦး ကို မီးရှို့သတ်ဖြတ်သွားတယ်လို့ ဒေသပြည်သူတွေက ပြောပါတယ်။ - စစ်ကိုင်းတိုင်း၊ မုံရွာမြို့ရှိ အနောက်မြောက်တိုင်းစစ်ဌာနချုပ်(နမခ)တပ်အတွင်းကို ၁၂၀ မမ လက်နက် ကြီးတွေနဲ့ ပစ်ခတ်တိုက်ခိုက်ခဲ့ရာ ထိခိုက်ပျက်စီးမှုတွေရှိ Chindwin Attack Force တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနကို ပြောပါတယ်။ - အကြမ်းဖက်စစ်သားတွေ တပ်စွဲထားတဲ့နေရာတွေကို မဟာဗျူဟာကျကျ တိုက်ခိုက်ခဲ့တယ်လို့ NUG ကာကွယ်ရေးဝန်ကြီးဌာနကပြောဆိုထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
