Khit Thit သတင်းဌာန၏ ဖေဖော်ဝါရီ ၁၄ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၁၄ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - ကချင်ပြည်နယ်၊ ဝိုင်းမော်မြို့နယ်၊ ဆံဒုံးကန်ပိုက်တီးလမ်းပိုင်းမှာ ဖေဖော်ဝါရီလ ၁၃ ရက်နေ့က အကြမ်းဖက် စစ်ကောင်စီရဲ့ ခမရ ၃၈၉ တပ်က ဒုတပ်ရင်းမှူး နဲ့ အဖွဲ့ကို KIA တပ်ဖွဲ့ကနေ ဖမ်းဆီးလိုက်တယ်လို့ KIA သတင်းရင်းမြစ်က ပြောပါတယ်။ - စစ်ကိုင်းတိုင်း၊ ကလေးမြို့ပေါ်မှာ လက်ဖက်ရည်သွားသောက်တဲ့အချိန် ပစ်ခတ်ခံရပြီး သေသွားတဲ့ အကြမ်းဖက် စစ်ကောင်စီတပ်ရဲ့ ဗိုလ်ကြီးဟောင်း ငွေဇင် ရဲ့အသုဘကို ဒီကနေ့ ဖေဖော်ဝါရီလ ၁၄ ရက်နေ့မှာ ပြုလုပ်မှာဖြစ်တယ်လို့ သိရပါတယ်။ - မကွေးတိုင်း၊ ပခုက္ကူမြို့နယ်၊ ပန်းတိုင်ခြုံ - ရွာက စာသင်ကျောင်းမှာ တပ်စွဲထားတဲ့ အကြမ်းဖက်စစ် ကောင်စီတပ်သားတွေကို ဖေဖော်ဝါရီလ ၁၃ ရက်နေ့မှာ ပြည်သူ့ကာကွယ်ရေးတပ်ဖွဲ့တွေက ဝင်ရောက် တိုက်ခိုက်ရာမှာ စစ်ကောင်စီဘက်က ၃ ဦး ပြင်းထန် ဒဏ်ရာရသွားတဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
