Khit Thit သတင်းဌာန၏ ဖေဖော်ဝါရီ ၁၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၁၁ ရက် ညနေပိုင်းတင်ဆက်ပေးမယ့်သတင်းတွေကတော့ - မကွေးတိုင်း၊ မင်းဘူးခရိုင်မှာရှိတဲ့ အကြမ်းဖက် စစ်ကောင်စီလက်အောက်ခံ ကန်ပြားရဲစခန်းကို PDF တပ်ဖွဲ့တွေက ဝင်ရောက် တိုက်ခိုက်ရာမှာ စစ်ကောင်စီဘက်က အယောက် ၃၀ နီးပါး သေသွားတယ်လို့ NUG ကာကွယ်ရေးဝန်ကြီးဌာနကနေ ထုတ်ပြန်ထားပါတယ်။ - မကွေးမြို့မှာရှိတဲ့ အကြမ်းဖက် စစ်ကောင်စီရဲ့ မကွေးလေတပ် စခန်း ဌာနချုပ်ကို ဖေဖော်ဝါရီလ ၉ ရက်နေ့က ပြည်သူ့ကာကွယ်ရေးတပ်ဖွဲ့တွေကနေ ရှော့တိုက်ဒုံးတွေနဲ့ ပစ်ခတ်တိုက်ခိုက်ခဲ့တယ်လို့ မကွေးခရိုင်အမှတ် ၁ တပ်ရင်း ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - မကွေးတိုင်း၊ ပခုက္ကူမြို့နယ်က အကြမ်းဖက် စစ်ကောင်စီတပ်ရဲ့ မြစ်ခြေအခြေစိုက် မွေးမြူရေး တပ်ကို ပြည်သူ့ကာကွယ်ရေးတပ်ဖွဲ့တွေက ဒီကနေ့ ဖေဖော်ဝါရီလ ၁၁ ရက်နေ့မနက်ပိုင်းမှာ ဝင်ရောက် တိုက် ခိုက်ပြီး တဲ့နောက် စစ်ကောင်စီက လေကြောင်းကနေ လာရောက် ဗုံးကျဲတိုက်ခိုက်ခဲ့တဲ့ သတင်းအပါ အဝင်နောက်ဆုံးရသတင်းတွေကို တင်ဆက်ပေးပါမယ်။
