Khit Thit သတင်းဌာန၏ ဖေဖော်ဝါရီ ၁၁ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၁၁ ရက် မနက်ပိုင်းတင်ဆက်ပေးမယ့်သတင်းတွေကတော့ -မြန်မာနိုင်ငံက စစ်အာဏာသိမ်းမှုကြောင့် ဖြစ်ပေါ်လာတဲ့ နိုင်ငံရေးအကျပ်အတည်းဟာ အာဆီယံအတွက် အနှောင့်အယှက်ဖြစ်နေတာကြောင့် အာဆီယံအဖွဲ့ကနေ မြန်မာနိုင်ငံကို ထုတ်ပယ်ဖို့ မလေးရှားဝန်ကြီးချုပ် Anwar Ibrahim က ပြောဆိုလိုက်ပါတယ်။ - မန္တလေးတိုင်း၊ မတ္တရာမြို့နယ်၊ ပိုဝမြောက်ရွာဘက်ကို စစ်ကြောင်းထိုး ဝင်ရောက်လာတဲ့စစ်တပ်ကို မြေပြင် ဝေဟင်ပူးပေါင်းတိုက်ခိုက်ခဲ့ရာ အကြမ်းဖက်စစ်ကောင်စီတပ်သား ၃ ဦးခန့် သေသွားတယ်လို့ ယူနီကွန်း ပြောက်ကျားတပ်ဖွဲ့ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနကို ပြောပါတယ်။ - ရန်ကုန်တိုင်း၊ တွံတေးမြို့နယ်၊ ကဘင်ကြီးကျေးရွာမှာ ဓားပြတိုက်တဲ့စစ်သားတွေက ကင်းစောင့်နေတဲ့ မစမ်းပပအောင်ကို ပစ်သတ်လိုက်တဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
