Khit Thit သတင်းဌာန၏ ဖေဖော်ဝါရီ ၄ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၄ ရက် မနက်ပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့သစ်အနီးမှာ ဖြစ်ပွားခဲ့တဲ့တိုက်ပွဲအတွင်း စစ်ကောင်စီရဲ့ ရဟတ်ယာဉ်တစ်စီးကို ပစ်ချနိုင်ခဲ့တယ်လို့ ကာကွယ်ရေးဝန်ကြီးဌာန NUG က သတင်းထုတ်ပြန်ပါတယ်။ - မန္တလေးတိုင်း၊ ငါန်းဇွန်မြို့နယ်၊ သားကြင်ရွာအနောက်ဘက်၊ သင်္ချိုင်းကုန်းအနီးမှာ ဆိုင်ကယ်နဲ့ ကင်းလှည့် ပြန်လာတဲ့ အကြမ်းဖက်စစ်သားတွေကို မိုင်းဆွဲတိုက်ခိုက်ခဲ့ရာ အကြမ်းဖက်စစ်ဗိုလ်တစ်ဦး အပါအဝင် စစ်သား ၅ ဦးသေသွားတယ်လို့ TGYR – Youth Guerilla Counter Revolution (LPDF) အဖွဲ့ ခေါင်းဆောင် ကိုအီးစီအိုက ပြောပါတယ်။ - ရှမ်းပြည်နယ်တိုးတက်ရေးပါတီ (SSPP)အနေနဲ့ ဖက်ဒရယ်ပြည်ထောင်စုလိုလားတဲ့ ဘယ်အဖွဲ့အစည်း တွေနဲ့ မဆို လက်တွဲပူးပေါင်းဆောင်ရွက်သွားမယ်လို့ ရှမ်းပြည်တိုးတက်ရေးပါတီ (SSPP ) ဗိုလ်မှူး စိုင်းဖုန်းဟန်ကပြောတဲ့သတင်းအပါအဝင် နောက်ဆုံးရသတင်းတွေကိုတင်ဆက်ပေးပါမယ်။
