Khit Thit သတင်းဌာန၏ ဖေဖော်ဝါရီ ၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၁ ရက် ညနေပိုင်းတင်ဆက်ပေးမယ့်သတင်းတွေကတော့ -အကြမ်းဖက် စစ်ကောင်စီကနေ နိုင်ငံအာဏာကို လုယူသိမ်းပိုက်ထားမှု ၂ နှစ်ပြည့်နေ့ဖြစ်တဲ့ ဒီကနေ့ ဖေဖော်ဝါရီလ ၁ ရက်နေ့မှာ ရန်ကုန် မန္တလေးလို မြို့ကြီးတွေအပါအဝင် နိုင်ငံတစ်ဝန်းမြို့အသီးသီးမှာ ရှိတဲ့ ပြည်သူလူထုက စစ်အာဏာသိမ်းမှုကို လက်မခံကြောင်း ပြည်လုံးကျွတ် အသံတိတ်သပိတ်မှာ တညီတညွတ်တည်း ပါဝင်ဆင်နွှဲပြသခဲ့ကြပါတယ်။ - စစ်အာဏာသိမ်းမှု နှစ်နှစ်ပြည့်မြောက်တဲ့ ဒီကနေ့ မှာ မြန်မာနိုင်ငံတဝန်း စစ်ကောင်စီကို ဆန့်ကျင်တဲ့ အသံတိတ်သပိတ် ကို ဆင်နွှဲခဲ့သလို ထိုင်းနိုင်ငံ ဘန်ကောက်မြို့က မြန်မာသံရုံးရှေ့မှာလည်း ထောင်နှင့် ချီတဲ့ မြန်မာတွေက အကြမ်းဖက် စစ်ကောင်စီကို ဆန့်ကျင်ဆန္ဒပြခဲ့ကြပါတယ်။ - ချင်းပြည်နယ်၊ ထန်တလန်မြို့အတွင်းမှာရှိတဲ့ CB ဘဏ်ထဲက အကြမ်းဖက် စစ်ကောင်စီတပ်သား ၆ ဦးကို ဒီကနေ့ ဖေဖော်ဝါရီလ ၁ ရက်နေ့နက်ပိုင်းက CDF – CNA တပ်ဖွဲ့ကနေ လက်နက်များတွေနဲ့ အတူ ဖမ်းဆီးရမိထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
