Khit Thit သတင်းဌာန၏ ဇန်နဝါရီ ၃၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၃၁ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - အကြမ်းဖက် စစ်ခေါင်းဆောင် မင်းအောင်လှိုင် ဦးဆောင်ပြီးတော့ စစ်အာဏာသိမ်းလိုက်တဲ့အချိန်မှာ စစ်တပ်အတွင်းမှာပဲ ဒီလို အာဏာသိမ်းမှုကို ဆန့်ကျင်တဲ့စစ်တပ် အရာရှိတွေ၊ စစ်သည်တွေ အမြောက်အမြား ရှိနေခဲ့ကြတယ်လို့ သိရပါတယ်။ - ရန်ကုန်၊ မန္တလေး၊ ပဲခူး အပါအဝင် နိုင်ငံတစ်ဝန်း အသံတိတ် သပိတ်တွေကို ဖျက်ဆီးဖို့အတွက် အကြမ်းဖက် စစ်ကောင်စီတပ်က ပြည်သူလူထုအပေါ် ခြိမ်းခြောက်မှုတွေ စတင်လုပ်ဆောင်နေတယ်လို့ ပြည်သူတွေက ရန်ကုန်ခေတ်သစ်ကို ပြောပါတယ်။ - ကချင်ပြည်နယ်၊ ဖားကန့်မြို့နယ်၊ လုံးခင်းလယ်ပြင်မှာရှိတဲ့ အကြမ်းဖက်စစ်ကောင်စီတပ် ရဲ့ ဂိတ် စခန်း ကို KIAတပ်ဖွဲ့ကနေ ဇန်နဝါရီလ ၃၀ ရက်နေ့မှာ ဝင်ရောက်တိုက်ခိုက်ခဲ့တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
