Khit Thit သတင်းဌာန၏ ဇန်နဝါရီ ၃၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၃၀ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - ကရင်ပြည်နယ်မှာ အကြမ်းဖက် စစ်ကောင်စီတပ်က အခြေအနေ မကောင်းတော့ဘဲ အရေးနိမ့်လာ တဲ့အတွက် တောင်ကလေး-တိုးချဲ့မြို့ပြ စီမံကိန်းမှာ မြေကွက်တွေ ရယူထားတဲ့ စစ်ကောင်စီဘက် စစ်အရာရှိတွေကနေ မြေကွက်တွေကို ရတဲ့စျေးနဲ့ ထုတ်ရောင်းနေကြတယ်လို့ ကရင်ပြည်နယ် စစ်ကောင်စီ သတင်းရင်းမြစ်တွေဆီကနေ သိရပါတယ်။ - ရှမ်းပြည်နယ်၊ လားရှိုးမြို့နယ်၊ မန်ကောင်ရွာအနီးမှာ ဇန်နဝါရီလ ၂၉ ရက်နေ့က အကြမ်းဖက် စစ်ကောင်စီတပ်ကနေ TNLA တပ်စခန်းကို လက်နက်ကြီးနဲ့ စတင်ပစ်ခတ်ရာကကနေ တိုက်ပွဲဖြစ်ခဲ့ တယ်လို့ TNLA တပ်ဖွဲ့ရဲ့ သတင်းရင်းမြစ်တွေဆီကနေ သိရပါတယ်။ -နွေဦးတော်လှန်ရေး ၂ နှစ်ပြည့် ဖေဖော်ဝါရီ ၁ ရက်နေ့ စစ်အာဏာရှင် တော်လှန်ရေး အသံတိတ် သပိတ်မှာ ဆိုင်ပိတ်စရာမလို၊ ရုံးပိတ်စရာမလိုဘဲ လမ်းပေါ် မထွက်ဘဲ ငြိမ်သက်တိတ်ဆိတ်ခြင်းနဲ့ ပြည်သူတွေ အတူတကွ ပူးပေါင်း ပါဝင် နိုင်ပါတယ်လို့ တော်လှန်ရေး အင်အားစုတွေက တိုက်တွန်း ပြောဆိုထားတဲ့ သတင်းအပါအဝင် နောက်ဆုံးရသတင်းတွေကိုတင်ဆက်ပေးပါမယ်။
