စစ်ထောက်လှမ်းရေး ဒုဗိုလ်မှူးကြီး သန်းထွဋ်နှင့်အဖွဲ့ မျှားခေါ် သတ်ဖြတ်ခံရမှု ဖရဲသီးတွေကြောင့်လို့ အပြစ်တင်ပြီး တပ်အတွင်း အချင်းချင်းမယုံကြည်မှုနဲ့ အမိန့်မနာခံမှုတွေဖြစ်လာ By ရန်ကုန်ခေတ်သစ် -စစ်ဘက်ရေးရာလုံခြုံရေးအကူတပ်စစ်ကြောရေးတာဝန်ခံ ဒုတိယဗိုလ်မှူးကြီး သန်းထွဋ်နှင့်အဖွဲ့ မျှားခေါ် သတ်ဖြတ်ခံလိုက်ရလို့ စစ်တပ်ထဲမှာ ဂယက်ရိုက်ခတ်ပြီး အချင်းချင်း မယုံကြည်မှု တွေဖြစ်ပေါ်နေပါတယ်။ -ဇန်နဝါရီ ၂၂ ရက်နေ့ ရန်ကုန်-မန္တလေး အမြန်လမ်း၊ ၁၆၁ မိုင်မှာ တော်လှန်ရေးတပ်ဖွဲ့က မျှားခေါပြီး ရှင်းလင်း လိုက်တာဖြစ်ပါတယ်။ -လက်နက် ၃၀ လက် လှူဒါန်းမယ်ဆိုတဲ့ မက်လုံးနဲ့ ဒုဗိုလ်မှူးကြီး သန်းထွဋ်နဲ့တပ်ကြပ်ကြီး မြင့်အောင်ကို ရှင်းလင်းခဲ့တယ်လို့ တော်လှန်ရေးတပ်ဖွဲ့က ဆိုပါတယ်။ -ဒုဗိုလ်မှူးကြီး သန်းထွဋ်ရဲ့ လက်ကိုင်ဖုန်းကို ရရှိထားပြီး လုံခြုံတဲ့နေရာမှာ သိမ်းဆည်းထားကာ အချက်အလက် တွေကိုလည်း ဖော်ထုတ်ဖို့ ရှိနေတယ်လို့ တော်လှန်ရေးသတင်းရင်းမြစ်တွေဆီက သိရပါတယ်။ -ဒီလို ရာထူးကြီး စစ်ကြောရေးတာဝန်ခံကို ရှင်းလင်းခံလိုက်ရလို့ စစ်တပ်ထဲမှာ အချင်းချင်း မယုံကြည်မှု တွေဖြစ်ပြီး စစ်ဆေးခံရမှုတွေနဲ့ ဖမ်းဆီးမှု တွေရှိနေပါတယ်။ - UG အဖြစ် အသွင်ယူပြီး တော်လှန်ရေးအဖွဲ့တွေကို ထောင်ဖမ်းမယ့် စစ်ထောက်လှမ်းရေးတချို့ ထွက်ပြေးတာ၊ အမိန့်မနာခံတော့တာတွေလည်း ဖြစ်ပေါ်နေတယ်လို့ စစ်ဘက်သတင်းရင်းမြစ်တွေက ဆိုပါတယ်။ -ဒါ့အပြင် UG အယောင်ဆောင်ထားတဲ့ စစ်အရာရှိတွေနဲ့ တပ်သားနာမည်တွေ အစီရင်ခံစာနဲ့တကွ ပေါက်ကြား တာကြောင့် စီမံချက်တွေ ချက်ချင်းရုပ်သိမ်းတာတွေလည်းရှိနေပါတယ်။ -လက်ရှိမှာတော့ UG အယောင်ဆောင်အဖွဲ့တွေကို ပုံစံသစ်နဲ့ဖွဲ့စည်းဖို့ မဟာဗျူဟာပြောင်းဖို့ စစ်ထောက်လှမ်းရေး တပ်တွေထဲမှာ အစည်းအဝေးတွေ ဆက်တိုက် ပြုလုပ်နေပါတယ်။ - လက်ရှိ စစ်ကြောရေးတွေမှာ တာဝန်ထမ်းဆောင်နေတဲ့ သူတွေရဲ့ နာမည်တွေ မပေါက်ကြားစေဖို့ အထူးစီမံချက် အနေနဲ့ လုံခြုံရေးတိုးမြှင့်တာ၊ မိုဘိုင်းလ်ဖုန်း အသုံးပြုခွင့်ပိတ်ပင်တာမျိုးတွေလည်း လုပ်ဆောင်နေပါတယ်။ -ဒီဖြစ်ရပ်ဟာ သတင်းတွေ လျှို့ဝှက်ပေးပို့တဲ့ ဖရဲသီးတွေကြောင့်လို့ အပြစ်တင်ပြီး ဖရဲသီး ချေမှုန်းရေး စီမံချက်တွေ ဆက်လုပ် ဆောင်ဖို့ ပြင်ဆင်နေတယ်လို့ စစ်တပ်သတင်းရပ်ကွက်တွေဆီက သိရပါတယ်။
