Khit Thit သတင်းဌာန၏ ဇန်နဝါရီ ၂၅ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၂၅ ရက် ညနေပိုင်းတင်ဆက်ပေးမယ့်သတင်းတွေကတော့ - ရန်ကုန်တိုင်း၊ မရမ်းကုန်းမြို့နယ် ၁ ရပ်ကွက်မှာ ဒီကနေ့ ဇန်နဝါရီလ ၂၅ ရက်နေ့ မနက်ပိုင်းက အကြမ်းဖက် စစ်ကောင်စီတပ်ရဲ့ စစ်အရာရှိ ဗိုလ်မှူးဟောင်း ကျော်မင်းသန်း နဲ့ မိန်းမဖြစ်သူ စောမွန်မြတ်တို့ နှစ်ဦးဟာ ပစ်ခတ် ရှင်းလင်းခံရပြီး သေသွားတယ်လို့ ဒေသခံ ပြည်သူတွေက ရန်ကုန်ခေတ်သစ်ကို ပြောပါတယ်။ - စစ်ကိုင်းတိုင်း၊ ဝက်လက်မြို့ပေါ်မှာရှိတဲ့ အကြမ်းဖက် စစ်ကောင်စီရဲ့ ဌာဆိုင်ရာရုံးတွေ၊ အကြမ်းဖက် စစ်ကောင်စီတပ်သား နဲ့ ရဲတွေ တပ်စွဲထားတဲ့ နေရာတွေကို ပြည်သူ့ကာကွယ်ရေး တပ်ဖွဲ့တွေက ဝင်ရောက် တိုက်ခိုက်နေရာမှာ စစ်ကောင်စီတပ်သား ၁၂ ဦးထက် မနည်း သေသွားတယ်လို့ သိရပါတယ်။ - ကရင်ပြည်နယ်၊ ကော့ကရိတ်မြို့နယ်၊ ကျုံဒိုးမြို့အနီးက တိုက်ပွဲမှာ အကြမ်းဖက် စစ်ကောင်စီဘက်က အယောက် ၄၀ ထက်မနည်း သေသွားတဲ့အတွက် ၊ ပြည်သူတွေရဲ့ နေအိမ်တွေကို အကြမ်းဖက်စစ် ကောင်စီတပ်က မီးရှို့ဖျက်ဆီးခဲ့တဲ့ သတင်းတွေကို တင်ဆက်ပေးပါမယ်။
