Khit Thit သတင်းဌာန၏ ဇန်နဝါရီ ၂၃ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၂၃ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း၊ ကောလင်းမြို့နယ်၊ ဝါးရုံခုံကျေးရွာကို မီးရှို့ဖျက်ဆီးခဲ့တဲ့ အကြမ်းဖက် စစ်ကောင်စီတပ် စစ်ကြောင်းကို ဇန်နဝါရီလ ၂၂ ရက်နေ့က ပြည်သူ့ကာကွယ်ရေးတပ်ဖွဲ့တွေက တိုက်ခိုက်ရာမှာ စစ်ကောင်စီဘက်က ၃ ဦး သေသွားတယ်လို့ Kawlin Revolution-KR ဆီကနေ သိရပါတယ်။ -မကွေးတိုင်း၊ မြိုင်မြို့နယ်မှာ ဇန်နဝါရီလ ၂၁ ရက်နေ့က အကြမ်းဖက်စစ်ကောင်စီတပ်သားတွေ လိုက်ပါတဲ့ ကား ၅ စီးကို ပြည်သူ့ကာကွယ်ရေးတပ်ဖွဲ့တွေကနေ မိုင်းဆွဲတိုက်ခိုက်ရာမှာ စစ်ကောင်စီ ဘက်က ၂ ဦးသေသွားတယ်လို့ စင်္ကြာဒေသကာကွယ်ရေး တပ်ဖွဲ့ရဲ့ တာဝန်ရှိသူ တစ်ဦးက ရန်ကုန်ခေတ်သစ် ကိုပြောပါတယ်။ - ချင်းပြည်နယ်၊ မတူပီမြို့နယ်၊ ငလိုင်ရွာကို အကြမ်းဖက် စစ်ကောင်စီတပ်က ဝင်ရောက် စီးနင်းတဲ့အချိန် ဒေသခံ ပြည်သူ ၆ ဦးကို ဖမ်းဆီးသတ်ဖြတ်ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
