Khit Thit သတင်းဌာန၏ ဇန်နဝါရီ ၂၃ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၂၃ ရက် မနက်ပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း၊ ကသာမြို့နယ်၊ မိုးတားလေးကျေးရွာအုပ်စုကို စစ်တပ်က တိုက်လေယာဉ်တွေနဲ့ ပစ်ခတ်ပြီး ကျေးရွာတွေကို မီးရှို့ ဖျက်ဆီးနေတယ်လို့ ဒေသပြည်သူ့ကာကွယ်ရေးတပ်တွေဆီက သိရပါတယ်။ - ချင်းပြည်နယ်၊ မင်းတပ်မြို့နယ်မှာ တိုက်ပွဲဖြစ်ပွားတာမရှိဘဲ စစ်ကောင်စီတပ်က ရည်ရွယ်ချက် ရှိရှိ တိုက် လေယာဉ် ၊ ဟောင်ဝစ်ဇာလက်နက်ကြီးတွေနဲ့ ပစ်ခတ် တိုက်ခိုက်နေတယ်လို့ မင်းတပ်မြို့နယ် ပြည်သူ့အုပ်ချုပ် ရေး သတင်းပြန်ကြားရေးနှင့်မှတ်တမ်းဌာနက သိရပါတယ်။ - စစ်ကိုင်းတိုင်း၊ စစ်ကိုင်းမြို့နယ်မှာ စစ်တပ်က စစ်ကြောင်းထိုးနေတဲ့အတွက် ပြည်သူ ၉၀၀၀ နီးပါး ထွက်ပြေးတိမ်းရှောင်နေရတယ်လို့ ဒေသခံပြည်သူတွေက ပြောပါတယ်။ - ကချင်ပြည်နယ်၊ ဖားကန့်မြို့နယ်၊ ကရင်ပြည်နယ်နဲ့ ချင်းပြည်နယ်တို့မှာ ပြည်သူတွေကို အစုလိုက်အပြုံလိုက် ဗုံးကျဲသတ်ဖြတ်ခဲ့တဲ့ တိုက်ခိုက်ရေးလေယာဉ်အုပ် ၆၂ ကို အမှတ် ၅၃၁ တိုက်ခိုက်ရေး လေယာဉ်အုပ်အဖြစ် ယတြာချေကာအမည်ပြောင်းလဲလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
