ကမ္ဘာကျော်အမှတ်တံဆိပ် Adidas ဖိနပ်ချုပ်သည့် မြန်မာပေါင်ချိန် စက်ရုံမှ အလုပ်ထုတ်ပယ်ခံရသည့် အလုပ်သမားများကို စက်ရုံဘက်က အလုပ်ပြန်ခန့်ပေးမည်ဟု ကနဦး သဘောတူထားသော်လည်း ယမန်နေ့က စာချုပ်ချုပ်ရာတွင် ညှိနှိုင်းမှု အဆင်မပြေကြောင်း သိရသည်။ လက်ရှိ လုပ်ခလစာ တစ်ရက် ၄၈၀၀ ကျပ်အစား ၈၀၀၀ကျပ် တိုးပေးရန် ပြီးခဲ့သည့် တောင်းဆိုသဖြင့် အလုပ်ဖြုတ်ခံရသည့် အလုပ်သမား ၂၆ဦးကို နစ်နာကြေးပေးမည်ဟု စက်ရုံဘက်က ကမ်းလှမ်းခဲ့ပြီး အလုပ်ပြန်ဝင်လိုသူများကိုလည်း ပြန်ခန့်မည်ဟု ဒီဇင်ဘာလကုန်ပိုင်းတွင် ကနဦး သဘောတူခဲ့သည်။ သို့သော် အသစ်ပြန်လည်ချုပ်ဆိုရသည့် စာချုပ်ပါ အချက်အလက်များကြောင့် ညှိနှိုင်းမှု ပျက်ပြယ်သွားခြင်းဖြစ်သည်ဟု မြန်မာပေါင်ချိန်စက်ရုံမှ အလုပ်သမားသမဂ္ဂ ဥက္ကဋ္ဌ မဖြိုးသီတာဝင်းက ပြောသည်။ သတင်း၊ တင်ဆက် - ဟန်သစ် (လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)
