Khit Thit သတင်းဌာန၏ ဇန်နဝါရီ ၁၄ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၄ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - အကြမ်းဖက် စစ်ခေါင်းဆောင်အာဏာလု မင်းအောင်လှိုင် နဲ့ ထိုင်းစစ်ဦးစီးချုပ် ကိုယ်စားလှယ် အဖွဲ့ တွေဟာ ရခိုင်ပြည်နယ်၊ သံတွဲမြို့နယ်မှာ ဇန်န ဝါရီလ တတိယအပတ်အတွင်း တွေ့ဆုံကြဖို့ ရှိနေပြီး ၊ ငပလီ ကမ်းခြေက လမ်းဘေးစျေးဆိုင်တွေ အားလုံးကို စစ်ကောင်စီက အတင်းအကျပ် ဖျက်သိမ်း ခိုင်းနေတယ်လို့ စစ်တပ်သတင်းရင်းမြစ်နဲ့ ဒေသခံ ပြည်သူတွေဆီကနေ သိရပါတယ်။ - စစ်ကိုင်းတိုင်း၊ အရာတော်မြို့နယ်၊ ကျောက်ပြောက်ရွာမှာ နေတဲ့ ကြံ့ဖွတ်ပါတီမြို့နယ်ဥက္ကဋ္ဌ၊ ၂၀၁၀ ရွေးကောက်ပွဲ လွှတ်တော်ကိုယ်စားလှယ်ဟောင်းကျော်မြင့် နဲ့ သားဖြစ်သူတို့ကို ဇန်နဝါရီလ ၈ ရက်နေ့က ပျူစောထီးအဖွဲ့ကနေ သတ်ဖြတ်သွားတယ်လို့ ဒေသခံပြည်သူတွေက ရန်ကုန်ခေတ်သစ် မီဒီယာသို့ ပြောဆိုသည်။ - ရန်ကုန်၊ အင်းစိန်အကျဉ်းထောင်အတွင်းမှာ ဒီကနေ့ ဇန်နဝါရီလ ၁၄ ရက်နေ့ မနက်အစောပိုင်းက ခရီးသည် တင်ဘတ်စ်ကားကြီး ၈ စီး ထွက်ခွာသွားသလို ၊ အကျဉ်း သားတွေကို ထောင်ပြောင်းတဲ့ သဘောဖြစ်မယ်ဆိုပြီး ယူဆရတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
