Khit Thit သတင်းဌာန၏ ဇန်နဝါရီ ၁၃ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၃ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - မကွေးတိုင်း၊ ပခုက္ကူမြို့၊ စက်မှုဇုန် နဲ့ မြို့သစ်အကြား၊ ကာနီပယ် KTV ဆိုင်အနီးမှာ ဇန်နဝါရီလ ၁၂ ရက်နေ့ မွန်းလွဲပိုင်းက ဆိုင်ကယ်နှစ်ယောက်စီးတယ်ဆိုပြီး ၊ အကြမ်းဖက် စစ်ကောင်စီတပ်က လူငယ် နှစ်ဦးကို ပစ်ခတ် သတ်ဖြတ်လိုက်တယ်လို့ ဒေသတွင်း သတင်းရင်းမြစ် နဲ့ ဒေသခံတွေဆီကနေ သိရပါတယ်။ -စစ်ကိုင်းတိုင်း၊ အရာတော်မြို့နယ်၊ ကျွန်းဖိုပင်ရွာ လမ်းတစ်လျှောက်မှာ မတရား ဂိတ်ကြေးတောင်း ခံနေတဲ့ အကြမ်းဖက် စစ်ကောင်စီတပ်ဂိတ်တွေကို ဇန်နဝါရီလ ၁၂ ရက်နေ့က ပြည်သူ့ကာကွယ်ရေး တပ်ဖွဲ့တွေကနေ ဒရုန်းနဲ့ ဗုံးကျဲတိုက်ခိုက်ရာမှာ စစ်ကောင်စီတပ်သား ၃ ဦးသေသွားတယ်လို့ Danger Force L-PDF ပြန်ကြားရေးတာဝန်ခံက ရန်ကုန်ခေတ်သစ် ကိုပြောပါတယ်။ - အကြမ်းဖက် စစ်ကောင်စီတပ်တွေ အရှုံး နဲ့ ပြန်ဆုတ်သွားအောင် ခုခံတွန်းလှန် တိုက်ခိုက်ပြီး အောင်ပွဲ နဲ့ အတူ ပြန်လာကြတဲ့ တော်လှန်ရေးတပ်ဖွဲ့တွေကို ဇန်နဝါရီ ၁၂ ရက်နေ့မှာ ကနီမြို့နယ်အတွင်းမှာရှိတဲ့ ကျေးရွာ နှစ်ဆယ်နီးပါးက ပြည်သူတွေကနေ သောင်းသောင်းဖျဖျ ကြိုဆိုခဲ့ကြတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
