Khit Thit သတင်းဌာန၏ ဇန်နဝါရီ ၁၃ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၃ ရက် မနက်ပိုင်းတင်ဆက်ပေးမယ့်သတင်းတွေကတော့ -ကရင်ပြည်နယ်၊ ကြာအင်းဆိပ်ကြီး တိုက်ပွဲအတွင်း ခလရ ၂၈၄ ယာယီတပ်ရင်းမှူး ဒုဗိုလ်မှူးကြီး/ဗိုလ်မှူး မင်းမောင်မောင်ဟိန်း သေသွားမှုဟာ တပ်ရင်းကို ကွပ်ကဲမှု အသုံးမကျ ညံ့ဖျင်းမှုကြောင့် သေဆုံးရတာ ဖြစ်တယ်လို့ စစ်တပ် ခေါင်းဆောင်ပိုင်းက အပြစ်တင်တယ်လို့ သိရပါတယ်။ - ကချင်ပြည်နယ်၊ မိုးညှင်းမြို့နယ်၊ မော်ဟန်ကျေးရွာအနီးမှာ ဇန်နဝါရီလ ၁၂ ရက်နေ့က ဖမ်းမိ မူးယစ်ဆေးဝါးတွေ ပြန်ရောင်းနေတဲ့ စစ်ကောင်စီလက်အောက်ခံ မူးယစ်ရဲတပ်ဖွဲ့က ရဲအုပ် မင်းကိုကို အပါအဝင် ရဲ ၃ ဦးနဲ့ သတင်းပေး ၂ ဦး စုစုပေါင်း ၅ ဦး ကို ဖမ်းမိထားတယ်လို့ မိုးညှင်း Revolution Force တပ်ဖွဲ့က ပြောပါတယ်။ - စစ်ကိုင်းတိုင်း၊ ရွှေဘိုမြို့နယ်၊ ရွှေဘို-ကျောက်မြောင်းလမ်းပေါ်မှာ စစ်ကောင်စီတပ်သားတွေ လိုက်ပါလာတဲ့ ၁၂ ဘီးကား ၂ စီးကို မိုင်းဆွဲတိုက်ခိုက်ခဲ့ရာ စစ်သား ၆ ဦးထက်မနည်း သေသွားတယ်လို့ Who Am I –Army တပ်ဖွဲ့ တာဝန်ရှိသူတစ်ဦးက ပြောပါတယ်။ - ပြည်သူ့စစ်သားစစ်လက်နက်ထုတ်လုပ်ရေးအဖွဲ့ (PSPT)နဲ့ အမျိုးသားညီညွတ်ရေးအစိုးရ NUG ကာကွယ်ရေး ဝန်ကြီးဌာနတို့ ပူးပေါင်းကာ စစ်လက်နက်ပစ္စည်းထုတ်လုပ်ရေး ဆက်လက် လုပ်ဆောင်နေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
